जीपले मोटरसाइकललाई ठक्कर दिँदा एक जनाको ज्यान गयो

समाचार

गृहपृष्ठ
समाचार
जीपले मोटरसाइकललाई ठक्कर दिँदा एक जनाको ज्यान गयो

जीपले मोटरसाइकललाई ठक्कर दिँदा एक जनाको ज्यान गयो

शुक्रबार, कात्तिक ३, २०८० बागेश्वरी पोस्ट

नेपालगञ्ज । दाङको देउखुरीमा गएराति जीपले मोटरसाइकललाई ठक्कर दिँदा एक जनाको ज्यान गएको छ । दुर्घटनामा राप्ती गाउँपालिका वडा नम्बर ५ लठ्ठहवाका अन्दाजी ३० वर्षीय सन्तराम चौधरीको ज्यान गएको हो ।

काठमाण्डौबाट सुर्खेतका लागि छुटेको बा ९ च ७१९८ नम्बरको जीपले रा ६ प ५७३८ नम्बरको मोटरसाइकललाई राप्ती गाउँपालिका–५ लठ्ठहवा सिङ्गेखोला पुल नजिकै ठक्कर दिएको प्रहरीले जनाएको छ ।

घाइते भएका चौधरीको सिंसहनिया स्वास्थ्य चौकीमा उपचारका क्रममा ज्यान गएको हो । जीपका चालकलाई पक्राउ गरी इलाका प्रहरी कार्यालय सिंसहनियाले भालुवाङ पठाइएको प्रहरीले जनाएको छ ।

प्रकाशित मिति: शुक्रबार, कात्तिक ३, २०८० १२:०७

प्रतिक्रिया दिनुहोस्