अटो दुर्घटना: एकको मृत्यु, चार जना घाइते

समाचार

गृहपृष्ठ
समाचार
अटो दुर्घटना: एकको मृत्यु, चार जना घाइते

अटो दुर्घटना: एकको मृत्यु, चार जना घाइते

शनिबार, कात्तिक ४, २०८० बागेश्वरी पोस्ट

नेपालगन्ज । दाङमा अटो दुर्घटना हुँदा एक वृद्धाको ज्यान गएको छ । दुर्घटनामा परी एकै घरका चार जना घाइते भएका छन् ।

बंगलाचुली गाउँपालिका वडा नम्बर ५ झेलखोल भन्ने स्थानमा रा १ ह २४०१ नम्बरको अटो दुर्घटना हुँदा सोही ठाउँ निवासी ५५ वर्षिया विबा बुढा मगरको घटनास्थलमै मृत्यु भएको इलाका प्रहरी कार्यालय कमिरेचौरका प्रमुख प्रहरी सहायक निरीक्षक सहदेव योगीले जानकारी दिनुभयो ।

उहाँका अनुसार दुर्घटनामा परी बंगलाचुली गाउँपालिका वडा नम्बर ५ झेलखोल निवासी एकै परिवारका वर्ष ३६ का मतिराम बुढा, वर्ष ३० का ऋखिराम बुढा, वर्ष ४० का मान बहादुर बुढा र वर्ष २६ का हिरा घर्ती घाइते हुनुभएको छ । घाइतेहरूलाई उद्धार गरी उपचारका लागि राप्ति स्वास्थ्य विज्ञान प्रतिष्ठान घोराही पठाइएको प्रहरी सहायक निरीक्षक योगीले जानकारी दिनुभयो । उहाँहरू झेलखोल गाउँबाट बंगलाचुली ५ मा रहेको मुर्कुटी बजारतर्फ आउँदै गर्दा अटो दुर्घटनामा परेको हो । अटो सडकबाट झण्डै एक किलोमिटर तल खसेको प्रहरीले जानकारी दिएको छ ।

अटो चालक प्युठान माण्डवी गाउँपालिका निवासी वर्ष ४० का गेम बहादुर पुनलाई प्रहरीले नियन्त्रणमा लिएको छ ।

प्रकाशित मिति: शनिबार, कात्तिक ४, २०८० १४:५१

प्रतिक्रिया दिनुहोस्