नेपालगन्जमा पत्रकारसंग अख्तियारको अन्तरक्रिया

समाचार

गृहपृष्ठ
समाचार
नेपालगन्जमा पत्रकारसंग अख्तियारको अन्तरक्रिया

नेपालगन्जमा पत्रकारसंग अख्तियारको अन्तरक्रिया

मंगलबार, माघ २८, २०७६ बागेश्वरी पोस्ट

नेपालगञ्ज । अख्तियार दुरुपयोग अनुसन्धान आयोगको २९ औं स्थापना दिवसमा नेपालगन्जमा पत्रकारसँग भेटघाट तथा सुझाव संकलन कार्य गरिएको छ।

सुझाब संंकलन कार्यक्रममा अख्तियार दुरुपयोग अनुसन्धान आयोग कार्यालय बुटवल, सम्पर्क कार्यालय नेपालगञ्जका कार्यालय प्रमुख गणेश गैरेले चालु आर्थिक वर्षको ६ महिनामा ४ सय ५८ वटा उजुरी परेको जानकारी दिएका छन् । नेपालगञ्जमा आवश्यक जनशक्तिको अभावमा उजुरीको चाङ्ग लाग्ने गरेको छ ।

जनशक्तिको अभावका कारण उजुरी फर्च्योटमा समस्या हुने गरेको गैरेले बताए। उनले नेपालगञ्ज सम्पर्क कार्यालयले बाँके, बर्दिया र दाङ जिल्लालाई हेर्ने जानकारी दिदै जनशक्तिको अभावको कारण परेका उजुरी फच्र्यौट गर्न कठिनाई भएको बताउदै निकट भविश्यमै जनशक्ति थप हुने बताए । उनले जिल्लाबाट ६ महिनामा ४ सय ५८ वटा उजुरी परेको सम्पर्क कार्यालयका प्रमुख गणेश गैरेले जानकारी दिए । कार्यालयमा परेका उजुरी तीन जिल्लामध्ये बाँकेमा बढी उजुरी परेका छन्।

बाँकेमा २ सय १० वटा उजुरी पर्दा दाङमा एक सय ४२ र बर्दियामा एक सय ६ वटा उजुरी परेको कार्यालयले जनाएको छ । ती उजुरीमध्येमा बाँकेमा ५६ वटा, दाङमा ३३ र बर्दियामा २२ वटा फछ्र्यौट भएको छ । ४ सय ५८ मध्येमा एक सय ११ वटा फछ्र्यौट हुँदा ३ सय ४७ वटा उजुरीमा अनुसन्धान भइरहेको सो अवसरमा जानकारी दिए ।

कार्यालय प्रमुख गैरेले सम्पर्क कार्यालय नेपालगञ्जमा परेका उजुरी मध्येमा सबैभन्दा बढी संघीय ९स्थानीयतहका० छन् । संघीयमा एक सय ३९, शिक्षामा १ सय २, वनमा ५६, भूमिमा ४०, स्वास्थ्यमा २३, भौतिक, पूर्वाधार तथा यातायातमा १६, गृहमा १३, खानेपानी र शहरी विकासमा १० र अन्यमा २६ वटा उजुरी परेको जानकारी दिए । कार्यालयका सूचना अधिकृत लोकमणी पाण्डेले अख्तियारको नेपालगञ्ज कार्यालयमा पर्याप्त जनशक्ति नहुँदा उजुरी अनुसन्धानमा असर परेको छ ।

अहिले २८ जनाको दरबन्दी हुँदा तीन जनामात्रै अनुसन्धान अधिकृत रहेको बताए । उनले विगत सात महिनादखि प्राविधिक जनशक्ति अभाव रहेको र हालै मात्र पूर्ती भएको जानकारी दिदै नेपालगञ्जमा ४० जनाको दरबन्दी पुर्याउने तयारी भइरहेको बताए । अख्तियारले आजै अन्तरक्रिया र सडकनाटक समेत देखाएको छ ।

प्रकाशित मिति: मंगलबार, माघ २८, २०७६ ०५:३६

प्रतिक्रिया दिनुहोस्