पाल्पामा जीप दुर्घटना हुँदा ६ जनाको मृत्यु

समाचार

गृहपृष्ठ
समाचार
पाल्पामा जीप दुर्घटना हुँदा ६ जनाको मृत्यु

पाल्पामा जीप दुर्घटना हुँदा ६ जनाको मृत्यु

आइतबार, कात्तिक ५, २०८० बागेश्वरी पोस्ट

नेपालगन्ज । पाल्पाको रानीमहल दरबार नजिकै जीप दुर्घटना हुँदा ६ जनाको ज्यान गएको छ । दुर्घटनामा एक जना घाइते भएका छन् ।

दुर्घटनामा ज्यान गुमाउनेमा तीन महिला, दुई बालक र एक पुरुष रहेका जिल्ला प्रहरी कार्यालय पाल्पाले जनाएकाे छ । ज्यान गुमाउनेकाे परिचय खुल्न बाँकी छ । बाग्मती प्रदेशको ७२०९ नम्बरको जीप दुर्घटनामा परेको हो ।

अहिले घटनास्थलमा अस्थायी प्रहरी चौकी रानीघाट, जिल्लाबाट गएको जनपथ प्रहरी, सशस्त्र प्रहरी र नेपाली सेनाको टोली खटिएको छ ।

पर्यटकीय स्थल रानीमहल नजिकै बैकुण्ठे भीरबाट जीप खाेलामा खसेकाे प्रहरीले जनाएको छ । घटनास्थलमा पुग्न ठूलो भीर र पहाड भएकाले उद्धारमा कठिनाइ भइरहेको स्थानीयले बताएका छन् ।

प्रकाशित मिति: आइतबार, कात्तिक ५, २०८० १८:२४

प्रतिक्रिया दिनुहोस्