१६ दिने शिशुको हत्या प्रयास गर्ने आमा पक्राउ

समाचार

गृहपृष्ठ
समाचार
१६ दिने शिशुको हत्या प्रयास गर्ने आमा पक्राउ

१६ दिने शिशुको हत्या प्रयास गर्ने आमा पक्राउ

बिहीबार, कात्तिक ९, २०८० बागेश्वरी पोस्ट

नेपालगन्ज । दाङमा १६ दिने नवजात शिशुको हत्या प्रयास गरेकाे अभियाेगमा सुत्केरी आमा पक्राउ परेकी छिन् ।

लमही नगरपालिका वडा नम्बर ७ कप्तानगञ्ज निवासी २५ बर्षिय निरम चौधरीलाई आफ्नै नवजात शिशुको हत्या प्रयास गरेकाे आराेपमा प्रहरीले नियन्त्रणमा लिएको छ ।

बुधबार दिउँसो उनले घरमा काेही नभएको अवस्थामा तरकारी काट्न प्रयाेग गरिने चक्कुले घाँटीमा प्रहार गरेकाे पाइएको छ ।

वडा प्रहरी कार्यालय लमहीले आमालाई नियन्त्रणमा लिएर अनुसन्धान गरिरहेकाे प्रहरी निरीक्षक शंकर श्रेष्ठले जानकारी दिए ।

घाइते बच्चाको उपचारको लागि लमही अस्पतालमा लगिए पनि उपचार त्यहाँ सम्भव नभएपछि राप्ती स्वास्थ्य विज्ञान प्रतिष्ठान घाेराही लगिएकाे छ ।

सुत्केरी आमाले आफैंले जन्मदिएकाे शिशुको हत्या प्रयास किन गरिन भन्ने बारेमा खुल्न बाँकी छ । उनमा केही दिनदेखि झाेक्रिने, टाेलाउने जस्ता समस्या आमामा देखिएकाे थियाे ।

प्रकाशित मिति: बिहीबार, कात्तिक ९, २०८० ०८:५०

प्रतिक्रिया दिनुहोस्