नवदुर्गाको प्रसाद स्वरुप टीका लगाउने र आशीर्वाद थाप्ने क्रम आज पनि जारी

समाचार

गृहपृष्ठ
समाचार
नवदुर्गाको प्रसाद स्वरुप टीका लगाउने र आशीर्वाद थाप्ने क्रम आज पनि जारी

नवदुर्गाको प्रसाद स्वरुप टीका लगाउने र आशीर्वाद थाप्ने क्रम आज पनि जारी

शुक्रबार, कात्तिक १०, २०८० बागेश्वरी पोस्ट

नेपालगञ्ज । आज आश्विन शुक्ल त्रयोदसी, नवदुर्गाको प्रसाद स्वरुप टीका लगाउन र आशीर्वाद थाप्न मान्यजनका घरमा जाने क्रम आज पनि जारी छ ।

घटस्थापनादेखि नौ दिनसम्म पूजा आराधना गरी विजयादशमीका दिन देवी विसर्जन गरेपछि सुरु भएको प्रसाद लगाउने र मान्यजनबाट आशीर्वाद लिने क्रम कोजाग्रत पूर्णिमामा अखिलबलिपूर्तिका दिनसम्म जारी रहन्छ । पश्चिम नेपालका केही जिल्लामा भने विजयादशमीका दिन मात्र दुर्गाको प्रसाद लगाउने र आशीर्वाद थाप्ने प्रचलन छ ।

नेपाल पञ्चाङ्ग निर्णायक विकास समितिका सदस्य एवं धर्मशास्त्रविद् प्रा. डा. देवमणि भट्टराई भने कोजाग्रत पूर्णिमाका दिन अखिल बलिपूर्ति नभएसम्म नवदुर्गाको प्रसाद लगाउन शास्त्रीय रुपमा कुनै बाधा नरहेको बताउँछन् । आज अलिख बलिपूर्ति गर्नुपर्ने समितिले जनाएको छ ।

शास्त्रीयरुपमा अखिल बलिपूर्ति नभएसम्म नवदुर्गाको प्रसाद र आशीर्वाद थाप्न मिल्ने भएपनि लोक व्यवहारमा भने घरमा आएका नातेदारलाई कोजाग्रत पूर्णिमाकै दिनसम्म यो क्रमले निरन्तरता पाउने गरेको छ ।

प्रकाशित मिति: शुक्रबार, कात्तिक १०, २०८० ०८:२१

प्रतिक्रिया दिनुहोस्