भूकम्पका गम्भीर घाइतेलाई नेपालगञ्ज ल्याउन सुरु, केहीको उपचार चल्दै

समाचार

गृहपृष्ठ
समाचार
भूकम्पका गम्भीर घाइतेलाई नेपालगञ्ज ल्याउन सुरु, केहीको उपचार चल्दै

भूकम्पका गम्भीर घाइतेलाई नेपालगञ्ज ल्याउन सुरु, केहीको उपचार चल्दै

शनिबार, कात्तिक १८, २०८० बागेश्वरी पोस्ट

नेपालगञ्ज । जाजरकोट केन्द्रबिन्दु भएर गएराती गएको भूकम्पमा परी गम्भीर घाइते भएकाहरुलाई थप उपचारका लागि नेपालगञ्ज ल्याउन सुरु गरिएकाृ छ । केही घाइतेलाई नेपालगञ्ज ल्याई उपचार सुरु गरिएको छ ।

भूकम्प जाने वित्तिकै जाजरकोट र रुकुम पश्चिममा मानवीय क्षतिसंगै थुप्रै मानिसहरु घाइते भएकाले प्रारम्भिक उपचारपछि नेपालगञ्ज ल्याउन सुरु गरिएको जिल्ला प्रशासन कार्यालय बाँकेले जनाएको छ ।

No description available.

भूकम्पमा परी गम्भीर घाइतेहरुको उपचारका लागि नेपालगञ्जको भेरी अस्पताल, नेपालगञ्ज मेडिकल कलेज, कोहलपुर शिक्षण अस्पतालमा आवश्यक पूर्व तयारी तथा व्यवस्थापन गरिएको बाँकेका प्रमुख जिल्ला अधिकारी श्रवणकुमार पोखरेलले बताए ।

उनका अनुसार भेरी अस्पताल, सैनिक अस्पताल, प्रहरी अस्पतालमा १ सय बढी बेड तयारी अवस्थामा रहेको र पर्याप्त चिकित्सक, नर्सिङ्ग स्टाप र स्वास्थ्यकर्मी समेत तयारी अवस्थामा राखिएको छ । घाइते तथा घाइते आफन्तका लागि सहजताका लागि स्वास्थ्य कार्यालय बाँकेका फोकल पर्सन नरेश श्रेष्ठलाई तोकिएको प्रमुख जिल्ला अधिकारी पाखेरेलले बताए ।

हेलिकप्टरबाट आउने बिरामीका लागि राँझा विमानस्थल र नेपाली सेनाको हेलिप्याडमा दुई दुई वटा एम्बुलेन्स तैनाथ गरिएको पोखरेलले बताए । उहाँका अनुसार रगतको मौज्दात र अपुग अवस्थामा फ्रेस रगत आपूर्तिका लागि रक्तदाता सुरक्षाकर्मीको व्यवस्था मिलाइएको छ ।

भूकम्पमा परी गम्भीर घाइते जाजरकोट भेरी नगरपालिका वडा नम्बर ३ खलंगाका ४८ वर्षिय विमलकुमार कार्कीको भेरी अस्पतालमा पहिलो विरामीको रुपमा उपचार शुरु भएको अस्पतालले जनाएको छ ।