राष्ट्रिय सभाका अध्यक्षसहित २० सांसदको पदावधि सकिँदै

राजनीति

गृहपृष्ठ
राजनीति
राष्ट्रिय सभाका अध्यक्षसहित २० सांसदको पदावधि सकिँदै

राष्ट्रिय सभाका अध्यक्षसहित २० सांसदको पदावधि सकिँदै

मंगलबार, कात्तिक २१, २०८० बागेश्वरी पोस्ट

काठमाडौँ । निर्वाचन आयोगले राष्ट्रिय सभामा रिक्त रहने सदस्य पदका लागि तयारी थालेको छ । राष्ट्रिय सभाका २० जना सांसदहरुको पदावधि फागुन २० मा सकिने भएपछि त्यसको तयारी थालेको हो ।

आयोगले त्यसकालागि संविधान अनुसार माघको दोस्रो साता (१०, ११ र १२ मध्ये एक दिन) निर्वाचन गराउने तयारी गरिरहेको छ । त्यसका लागि सरकारसँग परामर्श समेत आयोगले थालिसकेको छ ।

राष्ट्रिय सभामा अध्यक्ष गणेश तिमिल्सिना सहितका २० जनाको पदावधि सकिन लागेको हो । यसरी पदावधि सकिन लागेकामा एमालेका ९, कांग्रेसका ४, माओवादीका ३, एकीकृत समाजवादीका २, जसपाका १ र स्वतन्त्र सांसद १ जना गरी २० सांसद रहेका छन् ।

एमालेबाट राष्ट्रिय सभा अध्यक्ष समेत रहेका गणेश तिमिल्सिना, प्रमुख सचेतक भैरवसुन्दर श्रेष्ठ, इन्दु कडरिया, कुमार दसौँदी, दीपा गुरुङ, दिलकुमारी रावल थापा (पार्वती), नरपति लुवार, रामचन्द्र राई र विमला राई पौड्याल रहेका छन् ।

त्यस्तै नेपाली कांग्रेसको तर्फबाट रमेशजंग रायमाझी, अनिता देवकोटा, प्रकाश पन्थ र जितेन्द्रनारायण देव रहेका छन् ।

माओवादी केन्द्रबाट विना पोखरेल, महेशकुमार महरा, हरिराम चौधरी तथा एकीकृत समाजवादीका तर्फबाट नन्दा चपाईं, सिंगबहादुर विश्वकर्मा र जसपाकी प्रमिलाकुमारी यादव रहेका छन् ।

खिमलाल देवकोटाको पनि यही समयमा पदावधि सकिँदैछ । उनीहरुको स्थानमा को–कसलाई पठाउने भन्ने बारेमा दलहरुबीच छलफल अघि बढेको छैन ।

प्रकाशित मिति: मंगलबार, कात्तिक २१, २०८० १०:३१

प्रतिक्रिया दिनुहोस्