भारतले पठायो भूकम्प प्रभावित क्षेत्रमा तेस्रो लटको राहत सामग्री

समाचार

गृहपृष्ठ
समाचार
भारतले पठायो भूकम्प प्रभावित क्षेत्रमा तेस्रो लटको राहत सामग्री

भारतले पठायो भूकम्प प्रभावित क्षेत्रमा तेस्रो लटको राहत सामग्री

शुक्रबार, कात्तिक २४, २०८० बागेश्वरी पोस्ट

नेपालगञ्ज । भारत सरकारले जाजरकोट र रुकुम पश्चिमका भूकम्प प्रभावितलाई पठाएको तेस्रो लटको राहत सामग्री बाँके प्रशासनले प्रभावित क्षेत्रमा पठाएको छ ।

नेपालगञ्ज विमानस्थलमा विहिबार साँझ आइपुगेको तेस्रो लटको सामग्री विहिबार साँझै प्रभावित क्षेत्रमा पठाइएको बाँकेका प्रमुख जिल्ला अधिकारी श्रवणकुमार पोखरेलले बताए । भारत सरकारले सिलिपिङ व्याग २९०० थान, ब्ल्यांकेट २८०० थान, ठूलो टेन्ट २४ थान, सानो टेन्ट ४५ थान र औषधि १०० किलो रहेको आपतकालीन कार्य सञ्चालन केन्द्रका सूचना व्यवस्थापन अधिकृत रुपन ज्ञवालीले जानकारी दिए ।

गत आइतबार भारतबाट पहिलो लट सामान आएको थियो । उक्त सामान भारतीय राजदुत नवीन श्रीवास्तवले उपप्रधान एवम् रक्षा मन्त्री पूर्णबहादुर खड्कालाई हस्तान्तरण गरेका थिए । दोस्रो लटको सामग्री सोमबार आएको थियो ।

प्रकाशित मिति: शुक्रबार, कात्तिक २४, २०८० ०८:००

प्रतिक्रिया दिनुहोस्