भेरी अस्पतालबाट ५२ जना भूकम्पका घाइते निको भएर फर्किए

समाचार

गृहपृष्ठ
समाचार
भेरी अस्पतालबाट ५२ जना भूकम्पका घाइते निको भएर फर्किए

भेरी अस्पतालबाट ५२ जना भूकम्पका घाइते निको भएर फर्किए

मंगलबार, मंसिर ५, २०८० बागेश्वरी पोस्ट

नेपालगन्ज । भेरी अस्पतालमा उपचाररत जाजरकोट भूकम्पका ५२ जना निको भई डिष्चार्ज भएका छन् । जाजरकोट र रुकुम पश्चिममा गत कार्तिक १७ गते राति गएको भूकम्पमा परी घाइते भएर उपचारका लागि विभिन्न समयमा भेरी अस्पताल ल्याइएका मध्ये अब ४ जना मात्र उपचाररत छन् ।

भूकम्पमा परी घाइते भएका ६० जनालाई उपचारका लागि भेरी अस्पतालमा ल्याइएको थियो । अस्पतालमा उपचार गराउन ल्याइएका मध्ये एक जनाको अस्पताल पुर्‍याउँदै गर्दा मृत्यु भएको थियो । तीन जनालाई थप उपचारका लागि जिल्ला बाहिर रिफर गरिएको अस्पतालले जनाएको छ । अब भेरी अस्पतालको अर्थोपेडिक वार्डमा ४ जना जनाको उपचार भइरहेको जिल्ला आपतकालीन कार्य सञ्चालन केन्द्र बाँकेका फोकल पर्सन नरेशबाबु श्रेष्ठले जानकारी दिए ।

प्रकाशित मिति: मंगलबार, मंसिर ५, २०८० १४:३९

प्रतिक्रिया दिनुहोस्