लागूऔषध तथा मदिरा नियन्त्रण सम्बन्धि अन्तरक्रिया कार्यक्रम

समाचार

गृहपृष्ठ
समाचार
लागूऔषध तथा मदिरा नियन्त्रण सम्बन्धि अन्तरक्रिया कार्यक्रम

लागूऔषध तथा मदिरा नियन्त्रण सम्बन्धि अन्तरक्रिया कार्यक्रम

शुक्रबार, मंसिर १५, २०८० बागेश्वरी पोस्ट

नेपालगञ्ज । बाँके र बर्दियाका स्थानीय तहहरुले लागूऔषध तथा मदिरा नियन्त्रणका लागि उच्च प्राथमिकताका साथ काम गर्ने प्रतिबद्धता जनाएका छन् । गृह मन्त्रालयले आज नेपालगञ्जमा आयोजना गरेको लागूऔषध तथा मदिरा नियन्त्रण सम्बन्धि प्रदेशस्तरीय अन्तरक्रिया कार्यक्रममा स्थानीय सरकारका प्रमुख एवम् प्रतिनिधिहरुले प्रबद्र्धनात्मक कार्यक्रम सञ्चालनका लागि यथेष्ट बजेट छुट्याउने प्रतिबद्धता समेत व्यक्त गरेका छन् ।

नेपाल सरकारले मात्र नभई प्रदेश र स्थानीय सरकारहरुले पनि लागूऔषध र मदिरा नियन्त्रणमा प्राथमिकताका साथ काम गरुन् भन्ने उद्देश्यले स्थानीय सरकारसंग अन्तरक्रिया गरिएको गृह मन्त्रालयका सहसचिव थानेश्वर गौतमले बताए । स्थानीय तह, गैरसरकारी संस्था तथा सामाजिक संस्थाले अभियानकै रुपमा प्रवर्द्धनात्मक कार्यक्रम सञ्चालन गर्नुपर्ने आवश्यकता औंल्याउँदै गौतमले यसमा सबैको हातेमालो जरुरी रहेको बताए ।

No description available.

जिल्ला समन्वय समिति प्रमुख ज्ञानेन्द्रकुमार चौधरीले जनचेतनामूलक कार्यक्रममार्फत लागूऔषध नियन्त्रण अभियानलाई प्रभावकारी बनाउनुपर्नेमा जोड दिए । नेपालगञ्ज उपमहानगरपालिकाका नगर प्रमुख प्रशान्त विष्टले लागूऔषध समाजको विकराल समस्याको रुपमा खडा भएको बताउँदै यसको नियन्त्रणका लागि सरोकारवाला निकायसंग समन्वय गरेर विभिन्न कार्यक्रमहरु सञ्चालन गरिरहेको उल्लेख गरे । सबैको हातेमालोमा एकद्वार नीतिबाट समाजको डरलाग्दो रोगका रुपमा विकसित भएको लागूऔषध दुब्र्यसनलाई नियन्त्रण गर्न सकिने विष्टको भनाई छ । उनले प्रबद्र्धनात्मक कार्यक्रमका लागि बजेट छुट्याउँदै आएको जानकारी दिँदै आगामी दिनमा अझ बढोत्तरी गर्ने प्रतिबद्धता जनाए ।

कार्यक्रममा लुम्बिनी प्रदेश सरकारका गृह सचिव लालबाबु कवारी, बाँकेका प्रमुख जिल्ला अधिकारी श्रवणकुमार पोखरेलले स्वस्थ नागरिक उत्पादनका लागि सबै सचेत र गम्भीर बन्नुपर्ने बताए । कार्यक्रममा बाँके र बर्दियाका स्थानीय तहका प्रमुख उपप्रमुख, सुरक्षा अधिकारीहरु, लागूऔषध नियन्त्रणका क्षेत्रका काम गरिरहेका संघसंस्थाका प्रतिनिधि, विद्यार्थी लगायत सहभागी थिए ।

No description available.