अपांगता भएका ब्यक्तिहरुलाई अवसर दिनुपर्नेमा जोड

समाचार

गृहपृष्ठ
समाचार
अपांगता भएका ब्यक्तिहरुलाई अवसर दिनुपर्नेमा जोड

अपांगता भएका ब्यक्तिहरुलाई अवसर दिनुपर्नेमा जोड

आइतबार, मंसिर १७, २०८० बागेश्वरी पोस्ट

नेपालगञ्ज । अपांगता भएका ब्यक्तिहरुलाई अवसर दिनुपर्नेमा जोड दिइएको छ । ३२औं अन्तर्राष्ट्रिय अपांगता दिवसका अवसरमा आज नेपालगञ्जमा आयोजित र्याली एवम् मंच कार्यक्रममा बोल्ने बक्ताहरुले अपांगता भएका ब्यक्तिहरुलाई दया, माया र करुणाभाव मात्र नदेखाई अवसर दिनुपर्नेमा जोड दिएका हुन् ।

नगर स्तरीय अपांगता समन्वय समिति नेपालगञ्ज उपमहानगरपालिकाको आयोजना र अपांगताका क्षेत्रमा क्रियाशील विभिन्न संघसंस्थाको समन्वयमा गरिएको कार्यक्रम अघि हात हातमा प्लेकार्ड बोकेर र्याली निकालिएको थियो । र्यालीपछि नेपालगञ्ज उपमहानगरपालिकाको प्रांगणमा आयोजित मंच कार्यक्रममा बोल्दै नेपालगञ्जका उपप्रमुख कमरुद्दिन राईले अपांगता भएका ब्यक्तिहरुमा विशेष क्षमता हुने हुँदा उनीहरुले यथोचित अवसर पाउनुपर्ने बताए । राईले नेपालगञ्ज उपमहानगरपालिका अपांगता भएका ब्यक्तिहरुलाई छिटोछरितो सेवा दिन प्रतिबद्ध रहेको बताए । उनले नेपालगञ्ज उपमहानगरपालिकाको कार्यालय भवनलाई अपांगमैत्री बनाउन लिफ्ट राख्ने तयारी रहेको बताए । अन्य बक्ताहरुले अपांगताको आधारमा कसैलाई पनि भेदभाव गर्न नहुनेमा जोड दिँदै अपांगता सम्बन्धि राष्ट्रिय तथा अन्तर्राष्ट्रिय कानुन कार्यान्वयनमा जोड दिए । कार्यक्रममा कार्यपालिका सदस्य बसन्त कनोजिया, महिला तथा बालबालिका शाखा प्रमुख मन्जु पाण्डे लगायतले बोल्नुभएको महिला विकास अधिकृत आशा शाहीले जानकारी दिइन् ।

"दिगो विकास लक्ष्य प्राप्तिको प्रतिबद्धताःअपांगता भएका व्यक्तिको अपनत्व र नेतृत्वसहितको प्रतिबद्धता" भन्ने नाराका साथ आज ३२औं अन्तर्राष्ट्रिय अपांगता दिवस विभिन्न कार्यक्रम गरी मनाइएको छ ।

फोटोफिचर

No description available.