नेपालगञ्जमा आमा सेमिनार हुने

समाचार

गृहपृष्ठ
समाचार
नेपालगञ्जमा आमा सेमिनार हुने

नेपालगञ्जमा आमा सेमिनार हुने

आइतबार, मंसिर २४, २०८० बागेश्वरी पोस्ट

नेपालगञ्ज । नेपालगञ्जमा आमा सेमिनार हुने भएको छ । मानव सेवा आश्रम नेपालगञ्ज शाखाले आमा सेमिनार गर्न लागेको हो । मानवता प्रवर्द्धन कार्यक्रम अन्तरगत यही मंसिर २७ गते बुधबार आमा सेमिनार गर्न लागिएको मानव सेवा आश्रम नेपालगञ्जले जनाएको छ ।

मानव सेवा आश्रमले आज पत्रकार सम्मेलन गरी आमा सेमिनारको तयारीबारे जानकारी दिएको हो । स्थानीय क्युएफएक्स सिनेमा हलमा आमा सेमिनार गरिनछ ।

सुन्दर र सभ्य समाज निर्माण गर्नका लागि आमा सेमिनारले महत्वपूर्ण भुमिका निर्वाह गर्ने आयोजकको विश्वास छ । हरेक मनमा मानवता प्रवर्द्धन गर्न आमा सेमिनार गर्न लागिएको मानव सेवा आश्रमको भनाई छ । सेमिनारमा ३ सय जनाको सहभागिता रहने बताइएको छ।

मानव सेवा आश्रमले देशका विभिन्न स्थानमा शाखा खोलेर सडक आश्रित मानिसहरुलाई सहारा दिँदै आएको छ ।

प्रकाशित मिति: आइतबार, मंसिर २४, २०८० १९:४९

प्रतिक्रिया दिनुहोस्