लुम्बिनी कांग्रेस वैठक:राष्ट्रिय सभाका लागि जिल्लाबाट उम्मेदवारको सिफारिस माग्ने

राजनीति

गृहपृष्ठ
राजनीति
लुम्बिनी कांग्रेस वैठक:राष्ट्रिय सभाका लागि जिल्लाबाट उम्मेदवारको सिफारिस माग्ने

लुम्बिनी कांग्रेस वैठक:राष्ट्रिय सभाका लागि जिल्लाबाट उम्मेदवारको सिफारिस माग्ने

आइतबार, पुस १, २०८० बागेश्वरी पोस्ट

बुटवल । नेपाली काँग्रेस लुम्बिनी प्रदेश कार्यसमितिले राष्ट्रिय सभाको निर्वाचनको लागि उम्मेदवार बनाउन प्रदेशमा रहेका प्रत्येक जिल्लाबाट एक-एक जनाको नाम पठाउन जिल्ला कार्यसमितिलाई निर्देशन दिएको छ । राष्ट्रियसभाको निर्वाचन माघ ११ गते हुँदैछ ।

नेपाली काँग्रेस लुम्बिनी प्रदेश सभापति अमरसिंह पुनको अध्यक्षतामा आज बुटवलमा बसेको बैठकले प्रदेशका १२ वटै जिल्लाबाट एक-एक जनाको नाम सिफारिस गरेर पठाउन निर्देशन दिने निर्णय गरेको हो । बैठकले हालै सम्पन्न लुम्बिनी प्रदेशको प्रथम सम्मेलन उपलब्धिमूलक भएको ठहर गर्दे सम्मेलनमा पारित भएका कार्यदिशालाई कार्यान्वयन गर्ने निर्णय गरेको छ ।

यस्तै प्रदेशमा रहेका स्थानीय तहमा नेपाली काङ्ग्रेसबाट जितेका प्रतिनिधिको काम कारबाही अनुगमन गर्न पार्टीको प्रदेश तहबाट टोली खटाउने निर्णय गरेको पार्टीका कार्यालय मुख्य सचिव मोहनराज शर्माले बताए । आजको बैठकमा केन्द्रीय सदस्य तथा सांसद डा. चन्द्रकान्त भण्डारीको पनि विशेष उपस्थिति रहेको थियो ।

प्रकाशित मिति: आइतबार, पुस १, २०८० २१:२९

प्रतिक्रिया दिनुहोस्