वुहानमा फसेका १८० विद्यार्थी आज शनिबार राति काठमाडौं आइपुग्दै

समाचार

गृहपृष्ठ
समाचार
वुहानमा फसेका १८० विद्यार्थी आज शनिबार राति काठमाडौं आइपुग्दै

वुहानमा फसेका १८० विद्यार्थी आज शनिबार राति काठमाडौं आइपुग्दै

शनिबार, फागुन ३, २०७६ बागेश्वरी पोस्ट

चीनको हुवेइ प्रान्तको राजधानी वुहान

नेपालगन्ज । चीनको हुवेइ प्रान्तको राजधानी वुहानमा फसेका १८० विद्यार्थी आज शनिबार राति काठमाडौं आइपुग्दैछन् ।

कोरोना भाइरस प्रभावित वुहानमा रहेका नेपाली ल्याउन सरकारले नेपाल वायुसेवा निगमका जहाज त्यसतर्फ जानेछन् । वुहानस्थित थ्येनह विमानस्थलसम्म नेपाली विद्यार्थी ल्याउनकालागि बेइजिङस्थित नेपाली दूतावासले पाँच वटा बसको प्रबन्ध गरेको छ । सबै विद्यार्थी वुहानमा मात्रै छैनन् । चिङचौ, चिङमन, यिछाङलगायत सहरबाट पनि नेपालीहरु वुहान आउनुपर्नेछ ।

छ वटा सरहका लागि पाँच बसले नेपालीहरुलाई विमानस्थलसम्म ल्याउनेछन् । यी सहरहरुबाट चिनियाँ समयअनुासर शनिबार बिहान ५ बजे बस छुट्नेछन् । राति नौ बजे नेपाल एअरलाईनसको जहाज वुहानमा अवतरण गर्नेछन् । राति ११ बजे उड्नेछ र रातको २ बजे त्रिभुवन विमानस्थलमा जहाज अवतरण गर्नेछ ।

नेपाल प्रस्थानअघि चीनमै सबै नेपालीको स्वास्थ्य परीक्षण गरिनेछ । परीक्षमा पोजिटिभ देखिएमा चीनमै राखेर उपचार हुनेछ ।
नेपाल आएपछि उनीहरुलाई १४ दिन आइसोलेसन वार्डमा राखिनेछ ।

प्रकाशित मिति: शनिबार, फागुन ३, २०७६ १५:१८

प्रतिक्रिया दिनुहोस्