चीनबाट १७५ जना नेपालीसहित उडेको जहाज काठमाडौँ आइपुग्यो

समाचार

गृहपृष्ठ
समाचार
चीनबाट १७५ जना नेपालीसहित उडेको जहाज काठमाडौँ आइपुग्यो

चीनबाट १७५ जना नेपालीसहित उडेको जहाज काठमाडौँ आइपुग्यो

आइतबार, फागुन ४, २०७६ बागेश्वरी पोस्ट

फाइल फोटो

काठमाडौँ । आइतबार बिहान चीनको हुबेइ प्रान्तबाट १ सय ७५ जना नेपाली लिएर नेपाल वायुसेवा निगमको जहाज काठमाडौँ आइपुगेको छ । जहाजमा १ सय ७० विद्यार्थी, १ कामदार, २ अन्य यात्री र २ बालबालिका रहेको बेइजिङ दूतावासका डिसिएम सुशील लम्सालले जनाएका छन् । चीनमा रहेको नेपाली दूतावासले ६ विभिन्न सहरमा आउने नेपालीका लागि ६ वटा गाडीको व्यवस्था गरी एयरपोर्टसम्मको यात्रा सहज बनाउने प्रयास गरेको थियो ।

यी १७५ जनालाई दुई सातासम्म भक्तपुरको खरिपाटीस्थित क्वारेन्टाइनमा राखिनेछ भने उनीहरुको चेकअपका लागि सबै प्रवन्ध तयार पारिसकेको नेपाल सरकारले जनाइसकेको छ ।

चीनमा कोरोना भाइरसका कारण हालसम्म १६६२ जनाको मृत्यु भएको छ भने ६८ हजारभन्दा बढी संक्रमित भएका छन् । कोरोना भाइरसबारे अनुसन्धानमा जुटेका वैज्ञानिकहरुका अनुसार यस भाइरसले २.२ जना व्यक्तिलाई संक्रमति गराइरहेको छ ।

प्रकाशित मिति: आइतबार, फागुन ४, २०७६ ०८:१८

प्रतिक्रिया दिनुहोस्