जाजरकोट भूकम्प प्रभावितलाई भारतको फेरि सहयोग

समाचार

गृहपृष्ठ
समाचार
जाजरकोट भूकम्प प्रभावितलाई भारतको फेरि सहयोग

जाजरकोट भूकम्प प्रभावितलाई भारतको फेरि सहयोग

बिहीबार, पुस १९, २०८० बागेश्वरी पोस्ट

नेपालगञ्ज । भारतले जाजरकोट भूकम्प प्रभावितलाई फेरि सहयोग गरेको छ । भारतीय विदेश मन्त्री एस जयशंकरको नेपाल भ्रमणको अवसर पारेर भारतले भूकम्प प्रभावितलाई फेरि सहयोग गरेको हो ।

भारतीय विदेश मन्त्रालयका कमान्डेट पञ्कज मिश्राले नेपालगञ्जमा आज एक समारोहका बीच बाँकेका प्रमुख जिल्ला अधिकारी श्रवणकुमार पोखरेललाई विभिन्न सामान हस्तान्तरण गरेका छन् । भारतले यसअघि पनि भूकम्प प्रभावितलाई विभिन्न चरणमा सहयोग गरेको थियो ।

भारतले स्लिपिङ ब्याग २ हजार थान, ब्ल्यांकेट १ हजार २ सय थान, टेन्ट (सिंगल फ्लाई) ५० थान, टेन्ट १ सय थान, प्रिफाइभ घर २० थान सहयोग गरेको प्रमुख जिल्ला अधिकारी पोखरेलले बताए ।

भारतले यसअघि पटक-पटक गरेर स्लिपिङ ब्याग ५ हजार १२ थान, ब्ल्यांकेट ५ हजार ३० थान, त्रिपाल ६ सय २५ थान, टेन्ट सानो १ सय ९५ थान, टेन्ट ठूलो ३८ थान, मेडिकल सप्लाई ४ हजार ५ सय २५।६० किलो सहयोग गरेको थियो । उक्त सामग्री अब जाजरकोट र रुकुम पश्चिमका भूकम्प प्रभावितलाई पठाइने प्रमुख जिल्ला अधिकारी पोखरेलले बताए ।

प्रकाशित मिति: बिहीबार, पुस १९, २०८० १८:३८

प्रतिक्रिया दिनुहोस्