पत्रकार दाहालको सक्रियतामा विद्यार्थीले पाए खेलकुद सामग्री

समाचार

गृहपृष्ठ
समाचार
पत्रकार दाहालको सक्रियतामा विद्यार्थीले पाए खेलकुद सामग्री

पत्रकार दाहालको सक्रियतामा विद्यार्थीले पाए खेलकुद सामग्री

शनिबार, पुस २१, २०८० बागेश्वरी पोस्ट

नेपालगन्ज । नेपालगन्जका सक्रिय पत्रकार खगेन्द्र दाहालको सक्रियतामा खजुराका विद्यार्थीले खेलकुदका सामग्री पाएका छन् । खजुराको आदर्श माविका विपन्न परिवारका विद्यार्थीहरुलाई सहयोग गर्न खबरगन्जका पत्रकार दाहालले सामाजिक सञ्जालमा सहयोगका लागि आग्रह सहितको पोष्ट गरेका थिए ।

खेलकुदमा भाग लिन आवश्यक जुत्ता नहुँदा खाली खुट्टा प्रतियोगिताहरुमा भाग लिनुपर्ने बाध्यता भएको खबर पाएपछि विद्यार्थीहरुका लागि सहयोग गर्नुपर्छ भन्ने लागेर अभियान सन्चालन गरी सहयोग गरिएको पत्रकार दाहालले बताए । फेसबुक ग्रुप नेपालगन्ज ग्यालेरीमा पोष्ट गरेपछि धेरै सहयोगी मनहरु जोडिएको पत्रकार दाहालले बताए । उनका अनुसार विद्यार्थीको फोटो सार्वजनिक नगर्ने गरी सहयोग अभियान सन्चालन गरिएको हो ।

आर्थिक अवस्था कमजोर भएका ती विद्यार्थीहरुको जुत्ता खरिदका लागि सहयोगी दाताबाट सहयोग प्राप्त भएको हो । अमित शर्मा खजुरा मनकामनाबाट १० हजार, विकासहरि कोइराला खजुराबाट ५ हजार, मुकेश अग्रवाल नेपालगन्जबाट ३ हजार, मनिष शाक्य गुभाजु १ हजार, कृष्णराज अधिकारी नेपालगन्जबाट ५००, रिजु अन्सारी ५००, दिपक कँडेल ३००, रोहित खड्का २०५, यान्जु फेसबुक प्रयोगकर्ता (विजिता बम) २००, अमर रस्तोगी २००, स्मार्ट शर्मा १३५, राजेश बहादुर ५ रुपैयाँ, अरु थप १ हजार कसले पठाएको हो भन्ने जानकारी नपाएको दाहालले बताए । यसै अभियानमा आदर्श पूर्व विद्यार्थी समाज खजुराले पनि छुट्टै आफ्नो फेसबुक ग्रुपमार्फत आन्तरिक सहयोग संकलन गरेको थियो । पूर्व विद्यार्थीहरु सुशिल दाहाल ९ हजार, लिला प्याकुरेल ५ हजार, महेश केसी ५ हजार, पवित्रा शर्मा ३ हजार, राजन गिरी २ हजार, धनसिंह भण्डारी १ हजार, टेक कार्की १ हजार, शंकर रावत १ हजार, तेज खड्का ५ सय र गोविन्द खत्रीबाट ५ सय प्राप्त भएको आदर्श पूर्व विद्यार्थी समाज खजुराका महासचिव सुवास निरौलाले जानकारी दिए ।

पत्रकार दाहाल सामाजिक सन्जालमा लेख्छन्, ‘विश्वास नै ठूलो कुरा रहेछ, हजुरहरुले गरेको विश्वासलाई पूर्ण कदर गर्दै संकलित रकमको सही सदुपयोग हुनेमा विश्वस्त रहन आग्रह गर्दछु ।’ संकलित रकमबाट १८ जोर जुत्ता, मोजा, नी-प्याड, बुम स्प्रे र भलिबल खरिद गरी विद्यालयका प्रधानाध्यापक राजेन्द्र सापकोटालाई हस्तान्तरण गरिएको छ । थप ६ विद्यार्थीका लागि जुत्ता, मोजा र आवश्यक पर्ने खेलकुदका सामग्रीहरु आइतबार प्रदान गरिने पत्रकार दाहालले बताए । खजुराका अधिकांश सामुदायिक विद्यालयमा यस किसिमको अवस्था रहेको उनको भनाई छ ।

प्रकाशित मिति: शनिबार, पुस २१, २०८० २१:५९

प्रतिक्रिया दिनुहोस्