आफैं लाइसेन्स छाप्ने मन्त्री थापाको तदारुकता, सहयोग गर्ने ज्वालाको बचन

राजनीति

गृहपृष्ठ
राजनीति
आफैं लाइसेन्स छाप्ने मन्त्री थापाको तदारुकता, सहयोग गर्ने ज्वालाको बचन

आफैं लाइसेन्स छाप्ने मन्त्री थापाको तदारुकता, सहयोग गर्ने ज्वालाको बचन

बुधबार, माघ ३, २०८० बागेश्वरी पोस्ट

नेपालगञ्ज । लुम्बिनी प्रदेशले चालक अनुमति पत्र (लाइसेन्स) आफैं छाप्न खोजेपछि केन्द्र सरकारले सहयोग गर्ने बचन दिएको छ ।प्रदेशको उद्योग तथा यातायात व्यवस्था मन्त्रालयले लाइसेन्स छाप्ने प्रक्रिया अघि बढाउन खोजेको भन्दै त्यसका लागि सहयोग गर्न केन्द्र सरकारलाई आग्रह गरेको छ ।

लुम्बिनी प्रदेशको उद्योग तथा यातायात व्यवस्था मन्त्री सरोज थापा र सचिव उमेश ढुंगानाले भौतिक पूर्वाधार तथा यातायात मन्त्री प्रकाश ज्वालालाई भेटेर सहयोग गर्न आग्रह गरेका छन् । भेटमा मन्त्री ज्वालाले पनि लुम्बिनीसहितका सबै प्रदेश सरकारहरुलाई आवश्यक सहयोग गर्ने बचन दिएको थापाको सचिवालयले जनाएको छ । मन्त्री ज्वालाले माघ महिनाभित्रै सातै प्रदेशका यातायात मन्त्रीहरुसँग छलफल गर्ने समेत बताएका छन् ।

No description available.

मंगलबार भएको भेटमा मन्त्री थापाले सेवाग्राहीलाई सवारी चालक अनुमति पत्र (लाइसेन्स) सहज र छिटो दिलाउनुपर्ने भन्दै आफैं लाइसेन्स छाप्ने प्रक्रिया अघि बढाउन चाहेको बताएका थिए ।

हाल यातायात व्यवस्था विभागमा मात्र लाइसेन्स छापिन्छ र वितरणका लागि जिल्लाहरुमा पठाइन्छ । यदि प्रदेश सरकारले पनि लाइसेन्स छापेर वितरण गर्ने हो भने काठमाडौंको चाप घट्ने र सेवाग्राहीले पनि छिटो र सजिलै लाइसेन्स पाउने मन्त्री थापाको भनाई छ ।

मन्त्री ज्वालाले लाइसेन्सको ट्रायल आफ्नै सवारी साधनबाट दिन पाउने व्यवस्था गर्न लुम्बिनी प्रदेशको यातायात व्यवस्था मन्त्रालयले सुरु गरेको पहलको सह्राना समेत गरेको सचिव ढुंगानाले बताए । सरकार आफैंले लाइन्सेन्स छापेर वितरण गर्ने काममा कुनै प्राविधिक सहयोग चाहिए सहयोग गर्ने बताएका छन् ।

प्रकाशित मिति: बुधबार, माघ ३, २०८० १३:३२

प्रतिक्रिया दिनुहोस्