नेपालगञ्जमा जग्गा पीडितहरुको प्रदर्शन

समाचार

गृहपृष्ठ
समाचार
नेपालगञ्जमा जग्गा पीडितहरुको प्रदर्शन

नेपालगञ्जमा जग्गा पीडितहरुको प्रदर्शन

सोमबार, फागुन ५, २०७६ बागेश्वरी पोस्ट

नेपालगञ्ज। नेपालगञ्जमा जग्गा पिडितहरुले प्रदर्शन गरेका छन् ।जानकी गाउँपालिका वडा नं ३ करमोहनाका स्थानीयले सरकारी निर्णयविरुद्ध सोमवार प्रदर्शन गरेका छन् ।

करमोहना गुठी जग्गा संघर्ष समितिको अगुवाईमा करमोहना गाउँबाट निस्किएको र्यालीले नेपालगञ्जको बिभिन्न भागको परिक्रममा गर्दै सरकारी निर्णय बिरुद्ध प्रदर्शन गरेको हो । करमोहनाबासीले आफुहरुले भोगचलन गर्दै आएको जग्गा बागेश्वरी मन्दिर गुठीको नभई करमोहना गुठी रैतानी जग्गा भएको दावी गरेका छन् ।

आफहरुसँग भएको प्रमाणहरुमा कतैपनि बागेश्वरी गुठी उल्लेख नभएको र डेढ सय वर्षदेखिनै करमोहना गुठीमार्फत बागेश्वरी मन्दिर सञ्चालनका लागि तिरो तिर्दै आएको आधारमा व्यक्तिको नामको जग्गा फिर्ता गर्ने सरकारी निर्णयबिरुद्ध आन्दोलित हुनु परेको उनीहरुले बताएका छन् ।

लालपुर्जामा वागेश्वरी गुठीको नाम नभएका जग्गालाई वागेश्वरी गुठीका नाममा दर्ता गराउने सकारको निर्णयले जनतामाथि अन्याय भएको करमोहना गुठीका प्रवक्ता सन्तकुमार बर्माले बताए । सरकारद्वारा गठित जाँचबुझ आयोगले अपुरो प्रतिवेदन पेश गरेको पिडितहरुको भनाई छ ।

विसंं १९३३ को सरकारी प्रमाणदेखिनै सर्वसाधारणका नाममा रहेको जग्गा एक्कासी बागेश्वरी गुठीको भन्दै जनतालाई आतंकित पार्ने गरी गरिएको आयोगको सिफारिस र मन्त्री परिषदको निर्णय फिर्ता हुनुपर्ने प्रदर्शकारीहरुको माग छ ।उनीहरुले नेपालगञ्ज उपमहानगरपालिका अगाडि प्रदर्शन गरेका हुन् ।

प्रकाशित मिति: सोमबार, फागुन ५, २०७६ २१:४७

प्रतिक्रिया दिनुहोस्