पौडेलको ४५औं दिनको पूण्यतिथिमा श्रद्धाञ्जली सभा

राजनीति

गृहपृष्ठ
राजनीति
पौडेलको ४५औं दिनको पूण्यतिथिमा श्रद्धाञ्जली सभा

पौडेलको ४५औं दिनको पूण्यतिथिमा श्रद्धाञ्जली सभा

शुक्रबार, माघ ५, २०८० बागेश्वरी पोस्ट

नेपालगञ्ज । कोहलपुर नगरपालिका वडा नम्बर १४ पार्वतिपुर निवासी नेपाली काँग्रेसका पुराना नेता स्वर्गीय प्रमोदकुमार पौडेलको ४५औं दिनको पूण्यतिथिमा नेपाली काँग्रेस क्षेत्र नम्बर १ ले श्रद्धाञ्जली सभा गरेको छ ।

May be an image of 1 person, smiling and text

क्षेत्रीय सभापति पोषण केसीको सभापतित्वमा भएको श्रद्धाञ्जली सभामा बोल्ने सहभागीहरुले स्वर्गीय पौडेलले पार्टीमा पुर्याएको योगदानको चर्चा गरेका थिए । उनीहरुले पौडेलको निधनले पार्टीलाई ठूलो क्षती पुर्याएको भन्दै पार्टीप्रतिको उनको इमान्दारितालाई सबैले अनुशरण गर्नुपर्नेमा जोड दिए । पौडेलको मंसिर २० गते सवारी दुर्घटनामा परी निधन भएको थियो ।

श्रद्धाञ्जलीसभामा नेपाली काँग्रेस बाँकेका सभापति नाराणप्रसाद गौडेल, पूर्व पार्टी सभापति सनत रेग्मी, नेपाली काँग्रेस प्रदेश क्षेत्र नम्बर १ (ख) का सभापति बलराम शर्मा लगायत स्थानीय नेता तथा कार्यकर्ताहरुको सहभागिता रहेको थियो । पार्टीका पुराना नेता साविक शम्शेरगंज गाविसका अध्यक्ष तथा स्वर्गीय पौडेलका हितैषी मित्र रामलौटन यादवले पौडेलले पार्टीमा पुर्याएको योगदानका बारेमा चर्चा गरेका थिए ।

परिवारको तर्फबाट स्वर्गीय पौडेलका सुपुत्र डा. उत्तम पौडेलले आफ्ना बाबुले समाजमा पुर्याएको योगदानको चर्चा गर्दै बाबुको सपना साकार पार्नका लागि आफू र आफ्नो परिवार सदैव समाजको उन्नति र प्रगतिका साथै पार्टी तथा स्थानीय जनताको हितमा क्रियाशील रहने प्रतिबद्धता ब्यक्त गरेका थिए ।

कार्यक्रममा पार्टीका महासमिति सदस्य तथा महाधिबेशन प्रतिनिधिहरू, पार्टीका बिभिन्न तह र तप्काका नेता कार्यकर्ताहरूको उपस्थिति रहेको थियो ।

प्रकाशित मिति: शुक्रबार, माघ ५, २०८० २१:१६

प्रतिक्रिया दिनुहोस्