फरक–फरक चोरीको घटनामा नेपालगञ्जमा तीन जना पक्राउ

समाचार

गृहपृष्ठ
समाचार
फरक–फरक चोरीको घटनामा नेपालगञ्जमा तीन जना पक्राउ

फरक–फरक चोरीको घटनामा नेपालगञ्जमा तीन जना पक्राउ

शुक्रबार, माघ ५, २०८० बागेश्वरी पोस्ट

नेपालगञ्ज । बाँके प्रहरीले फरक–फरक चोरीको घटनामा तीन जनालाई पक्राउ गरेको छ ।

जिल्ला प्रहरी कार्यालय बाँकेले नेपालगञ्ज–१५ का गुड्डु जसगढ, नेपालगञ्ज–२२ का हकिकत अलि किङरिया र नेपालगञ्ज–१४ का राजु जसगढलाई चोरीको आरोपमा पक्राउ गरेको जनाएको छ ।

बाँके प्रहरी प्रवक्ता प्रहरी नायब उपरीक्षक नारायण डाँगीका अनुसार गुड्डुले नेपालगञ्ज–९ मा घरमा राखेको इ-रिक्सा चोरेका थिए । प्रहरीका अनुसार हकिकतले नेपालगञ्ज मेडिकल कलेजका बिरामी र कुरुवाको मोबाइल चोरेका थिए भने राजुले नेपालगञ्ज–१० भृकुटीनगरमा ने १ ह १०३६ नम्बरको इ-रिक्सा चोरेर लैजाँदै थिए ।

उनीहरुमाथि थप अनुसन्धान भइरहेको प्रहरीले जनाएको छ ।

प्रकाशित मिति: शुक्रबार, माघ ५, २०८० २१:२७

प्रतिक्रिया दिनुहोस्