नेपाल र भारतका सुरक्षा अधिकारीबीच भारतको नानपारामा बैठक

समाचार

गृहपृष्ठ
समाचार
नेपाल र भारतका सुरक्षा अधिकारीबीच भारतको नानपारामा बैठक

नेपाल र भारतका सुरक्षा अधिकारीबीच भारतको नानपारामा बैठक

शनिबार, माघ ६, २०८० बागेश्वरी पोस्ट

नेपालगञ्ज । नेपाल र भारतका सुरक्षा अधिकारीबीच आज भारतको नानपारामा बैठक सम्पन्न भएको छ । भारतस्थित बहराइच जिल्लाका डिस्ट्रिक्ट मजिस्ट्रेट मोनिका रानीको निमन्त्रणामा बहराइच, बाँके र बर्दियाका सुरक्षा अधिकारीहरुबीच सुरक्षा समन्वय बैठक सम्पन्न भएको बाँकेका प्रमुख जिल्ला अधिकारी श्रवणकुमार पोखरेलले बताए ।

२२ जनवरिमा अयोध्यामा हुने श्रीराम मन्दिर प्राण प्रतिष्ठा र २६ जनवरीमा हुने भारतीय गणतन्त्र दिवसको सुरक्षा संवेदनशिलतालाई सम्बोधन गर्न आवश्यक सूचनाको आदानप्रदान गर्ने, सीमा अपराध नियन्त्रणमा दुवै देशका सुरक्षा अधिकारीहरुले आपसी समन्वयमा कार्य गर्ने लगायतका विषयहरुमा छलफल भएको पोखरेलले बताए ।

May be an image of 7 people, temple and text