सत्ता गठबन्धनका राष्ट्रियसभा सदस्य उम्मेदवार भेटघाटमा

राजनीति

गृहपृष्ठ
राजनीति
सत्ता गठबन्धनका राष्ट्रियसभा सदस्य उम्मेदवार भेटघाटमा

सत्ता गठबन्धनका राष्ट्रियसभा सदस्य उम्मेदवार भेटघाटमा

आइतबार, माघ ७, २०८० बागेश्वरी पोस्ट

नेपालगञ्ज । सत्ता गठबन्धनका राष्ट्रियसभा सदस्य उम्मेदवारहरुले सत्ता गठबन्धन सम्बद्ध मतदाताहरुसंग परिचयात्मक कार्यक्रम गरेका छन् । नेपालगञ्जमा आज आयोजित परिचयात्मक कार्यक्रममा सत्ता गठबन्धन आवद्ध मतदाताहरुसमक्ष उनीहरुले आफूहरुलाई मतदान गर्न आग्रह गरेका छन् ।

सत्ता गठबन्धनका उम्मेदवारद्वय विष्णुकुमारी सापकोटा र झक्कुप्रसाद सुवेदीले माघ ११ गते हुने राष्ट्रियसभा सदस्य निर्वाचनमा सत्ता गठबन्धनलाई जिताउन आग्रह गरे । लुम्बिनी प्रदेशमा रिक्त हुन लागेको दुई वटा सिट मध्ये सत्ता गठबन्धनबाट नेपाली कांग्रेसले गुल्मीकी सापकोटा र नेकपा माओवादीले रोल्पाका सुवेदीलाई उम्मेदवार बनाएको छ ।

नेपाली कांग्रेस लुम्बिनी प्रदेश सभापति अमरसिंह पुन, सहमहामन्त्री निमा गिरी, नेपाली कांग्रेस बाँकेका सभापति नारायणप्रसाद गौडेल, माओवादी नेतृ एवम् लुम्बिनी प्रदेश सरकारकी सहरी विकास मन्त्री कृष्णा केसी नमुनाले सत्ता गठबन्धनका उम्मेदवारमा पक्षमा मतदान गरी निर्वाचित गराउन आह्वान गरे ।

कार्यक्रममा सत्ता गठबन्धनका केन्द्र, प्रदेश तथा जिल्ला स्तरीय नेताहरु, स्थानीय सरकारका प्रमुख र उपप्रमुख तथा प्रदेशसभा सदस्यहरुको उपस्थिति रहेको थियो ।

May be an image of 14 people and dais