मोटरसाइकल दुर्घटनामा तीन जनाको मृत्यु

समाचार

गृहपृष्ठ
समाचार
मोटरसाइकल दुर्घटनामा तीन जनाको मृत्यु

मोटरसाइकल दुर्घटनामा तीन जनाको मृत्यु

सोमबार, माघ ८, २०८० बागेश्वरी पोस्ट

रुपन्देही । लुम्बिनीमा भएको छुट्टाछुट्टै मोटरसाइकल दुर्घटनामा तीन जनाको मृत्यु भएको छ ।

रुपन्देहीको लुम्बिनी सांस्कृतिक नगरपालिका-३ महिलवार-पडरिया सडक खण्डको लंकापुरमा दुई वटा मोटरसाइकल एकआपसमा ठोक्किँदा दुई जनाको मृत्यु भएको रुपन्देहीले प्रहरीले जानकारी दिएको छ ।

गएराति हुस्सु र कुहिरोका कारण लंकापुरमा लु ५८ प २७२८ नम्बरको र युपी ५५ एएन १११२ नम्बरको मोटरसाइकल ठोक्किँदा कपिलवस्तुस्थित शुद्धोधन गाउँपालिका-५ हथिहवाका ४५ वर्षीय शिवशंकर यादव र भारतको उत्तरप्रदेश नौगढका ३० वर्षीय जयप्रकाश गुप्ताको मृत्यु भएको रुपन्देही प्रहरीले जनाएको छ ।

प्रहरीका अनुसार गुप्ता युपी ५५ एएन १११२ र यादव लु ५८ प २७२८ नम्बरको मोटरसाइकलमा सवार रहेका थिए ।

त्यस्तै पाल्पामा पनि मोटरसाइकल दुर्घटनामा एक जनाको मृत्यु भएको छ ।

रम्भा गाउँपालिका-१ भुमरमा पिपलडाँडाबाट हुँगीतर्फ जाँदै गरेको ग १४ प ३७५ मोटरसाइकल कालीगण्डकी करिडोरमा दुर्घटना हुँदा रम्भा गाउँपालिका-१ असर्दीका २८ वर्षीय हेमन्त जी.टी. को मृत्यु भएको पाल्पा प्रहरीले जानकारी दिएको छ ।