क्यान्सर पीडितलाई सुनाखरी रेष्टुरेन्टको सहयोग

समाचार

गृहपृष्ठ
समाचार
क्यान्सर पीडितलाई सुनाखरी रेष्टुरेन्टको सहयोग

क्यान्सर पीडितलाई सुनाखरी रेष्टुरेन्टको सहयोग

मंगलबार, माघ ९, २०८० बागेश्वरी पोस्ट

नेपालगन्ज । बाँकेका एक जना क्यान्सर पीडितलाई आर्थिक सहयोग उपलब्ध गराइएको छ । नेपालगन्ज–४ बसपार्क निवासी ५८ वर्षिय गोपाल शर्मा विगत डेढ वर्षदेखि क्यान्सर रोगबाट पीडित भई अहिले खजुरा क्यान्सर अस्पतालमा उपचार गराइरहेका छन् ।

उनको आर्थिक अवस्था कमजोर भएर उपचारमा समस्या भएपछि आर्थिक सहयोग गरिएको प्रदान गरिएको हो । सुनाखरी रेष्टुरेन्ट प्रालिका प्रबन्ध निर्देशक घनश्याम शर्मा र एजुकेटेट सेफ बन्धु चौधरीले संकलन गरेको २५ हजार २ सय ५ नगद रकम पीडित गोपाललाई हस्तान्तरण गरिएको हो ।

सुनाखरीका कर्मचारीहरुबाट उक्त रकम संकलन गरिएको सुनाखरी प्रबन्ध निर्देशक शर्माले बताए । शर्माले भने–“क्यान्सर पीडित गोपालजीले मसंग सिद्धार्थमा करिब ८ वर्ष जति संगै काम गर्नुभएको र हाल विरामी हुँदा मैले मानवीय सहयोग गर्नुपर्दछ भनेर यो सहयोग जुटाएको हुँ ।”

उनको निवासमा पुगेर आर्थिक सहयोग प्रदान गरिएको हो । शर्माले पीडितको उपचारमा सहयोगका लागि अनुरोध पनि गरेका छन् ।

प्रकाशित मिति: मंगलबार, माघ ९, २०८० १८:३७

प्रतिक्रिया दिनुहोस्