'समुदायमा कांग्रेस' अभियानः बाँकेका ८१ वडामा प्रतिनिधि खटिए (सूचीसहित)

राजनीति

गृहपृष्ठ
राजनीति
'समुदायमा कांग्रेस' अभियानः बाँकेका ८१ वडामा प्रतिनिधि खटिए (सूचीसहित)

'समुदायमा कांग्रेस' अभियानः बाँकेका ८१ वडामा प्रतिनिधि खटिए (सूचीसहित)

सोमबार, माघ १५, २०८० बागेश्वरी पोस्ट

नेपालगञ्ज । नेपाली कांग्रेसको ‘समुदायमा कांग्रेस’ अभियानका लागि बाँकेमा ८१ वटै वडामा जिल्ला प्रतिनिधि खटिएका छन् । नेपाली कांग्रेस जिल्ला कार्यसमिति बाँकेको शनिवार बसेको वैठकले ८१ वटै वडामा जिल्ला प्रतिनिधि खटाउने निर्णय गरेको थियो । त्यसै अनुरुप जिल्ला सभापति नारायणप्रसाद गौडेलले आज प्रेस विज्ञप्ती जारी गर्दै वडा प्रतिनिधि खटाइएको जानकारी दिएका छन् । केन्द्रीय प्रतिनिधि गुरु बराल अभियानका क्रममा जिल्लाका ८ वटै पालिकामा सहभागी हुने सचिव सुधांशु कोइरालाले बताए । बरालले आइतबार पार्टी कार्यालयमा वडामा खटिने जिल्ला प्रतिनिधिलाई अभिमुखीकरण गरेका थिए । कांग्रेसले माघ १६ गतेदेखि माघ २६ गतेसम्म वडा स्तरमा अभियान सञ्चालन गर्न लागेको छ ।

कांग्रेसको अभियान अन्तर्गत समुदायमा पुगेर जनताका अपेक्षा, सुझाव र गुनासा सुन्ने, स्थानीयस्तरमा सेवा प्रवाहको अवस्था, विकास निर्माण र समुदायमा भएका असल अभ्यासको अवलोकन गरिने सभापति गौडेलले बताए । जनताबाट आएका सुझावलाई कार्यान्वयनका लागि पहलकदमी लिने तथा महासमिति बैठक लगायत पार्टीको नीति निर्माणका क्रममा नीतिगत मार्गदर्शनका रुपमा लिने अभियानको उद्देश्य रहेको कांग्रेसको भनाई छ ।

अभियानमा जनताका कुरा सुन्ने अभियान भएको हुँदा औपचारिक आसन ग्रहण र मन्तव्य लगायत कार्यक्रम रहने छैनन् । भोलि माघ १६ गते शहिद दिवसका दिन विशेष कार्यक्रमसहित अभियानको पहिलो चरण प्रारम्भ हुनेछ । उक्त दिन ६ हजार ७ सय ४३ वडामा मात्र कार्यक्रम हुनेछ । सम्बन्धित वडा र जिल्लामा खटिएका केन्द्रीय प्रतिनिधि बाहेक कांग्रेसको केन्द्रदेखि वडासम्म विभिन्न तहमा रहेका पदाधिकारी एवं सदस्य, भ्रातृ सङ्घ तथा शुभेच्छुक संस्थामा आबद्ध केन्द्रदेखि स्थानीय तहसम्मका नेताहरू आफू क्रियाशील सदस्य रहेको वडामा पुग्नुपर्नेछ । सबै नेता वडाको कुनै न कुनै श्रमसँग सम्बन्धित काम वा सामाजिक कार्यमा सहभागी हुनुपर्नेछ । अभियानको यो चरण माघ २६ गते पार्टीका स्व. सभापति सुशील कोइरालाको स्मृति दिवसको दिन समापन हुनेछ ।

हेर्नुस् को कहाँ खटिए ?

May be an image of text May be an image of blueprint and text