बाँके ट्राफिकको दुर्घटना न्यूनिकरण अभियान: राप्तीसोनारी र देउरालीमा जनचेतनामूलक बोर्डहरु

समाचार

गृहपृष्ठ
समाचार
बाँके ट्राफिकको दुर्घटना न्यूनिकरण अभियान: राप्तीसोनारी र देउरालीमा जनचेतनामूलक बोर्डहरु

बाँके ट्राफिकको दुर्घटना न्यूनिकरण अभियान: राप्तीसोनारी र देउरालीमा जनचेतनामूलक बोर्डहरु

मंगलबार, फागुन ६, २०७६ बागेश्वरी पोस्ट

बाँके ।दुर्घटना न्यूनिकरणका लागि जिल्ला ट्राफिक बाँकेले विभिन्न स्थानहरुमा जनचेतनामूलक बोर्डहरु राखेको छ।

बाँके ट्राफिकले राप्तीसोनारी गाउँपालिका १ अगैयाँ क्षेेेेत्रमा राप्ती सोनारी गाउँपालिकाको सहयोगमा दुर्घटना न्युनिकरण गर्ने उद्देश्यले सवारी चालकहरुलाई जानकारीको दुर्घटना ग्रस्त क्षेत्र झल्किने बोर्डहरु राखेको छ।

बाँके ट्राफिकले राप्तीसोनारीका विभिन्न स्थानमा ११ बोर्डहरु राखेको हो।बाँके ट्राफिक प्रहरी प्रमुख प्रहरी निरीक्षक पविन्द्र बमका अनुसार बढी जसो दुर्घटना अगैया आसपासका स्थानमा दुर्घटना हुने भएको हुँदा त्यस तर्फ जनचेतनामूलक बोर्डहरु राखिएको हो। यति गर्दा केही हदसम्म दुर्घटनामा कमि आउने बमले भने।

त्यस्तै बाँके ट्राफिक प्रहरीले सवारी चालकहरुलाई जानकारीको लागि रत्न राजमार्ग सडकखण्डको चिसापानी देखि देउराली सम्मका ७ स्थानहरुमा उछिन्न निषेध बोर्डहरु राखेको छ। पहाडी ईलाका भएकाले गर्दा दुर्घटना बढी हुने हुँदा त्यस्ता किसिमका बोर्डहरु राखिएको प्रहरी निरीक्षक बमले बताए।

अहिले बर्तमान समय बाँके ट्राफिक प्रहरीले दुर्घटना कम गर्नलाई हरदिन प्रशिक्षण कार्यक्रम गर्दै आइरहेको छ। बाँके जिल्लाका पुर्व ट्राफिक प्रहरी प्रमुख प्रहरी निरीक्षक हिरेन्द्र रोकायाले सुरु गरेको अभियानमा बर्तमान ट्राफिक प्रमुख बम झनै सक्रियताका साथ लागि परेका छन। प्रहरी निरीक्षक बमले दुर्घटना न्यूनिकरण गर्न हरेक दिन सवारी चालकलाई १५ मिनेट सवारी नियम बारे प्रशिक्षण दिदै आएका छन् ।

प्रकाशित मिति: मंगलबार, फागुन ६, २०७६ २०:४९

प्रतिक्रिया दिनुहोस्