९० प्रतिशतमा आयोडिन नुनको पहुँच

समाचार

गृहपृष्ठ
समाचार
९० प्रतिशतमा आयोडिन नुनको पहुँच

९० प्रतिशतमा आयोडिन नुनको पहुँच

शुक्रबार, माघ २६, २०८० बागेश्वरी पोस्ट

नेपालगन्ज । नेपालगन्ज उपमहानगरपालिका र साल्ट ट्रेडिङ कर्पोरेशन प्रदेश कार्यालय नेपालगन्जले फ्रेबुअरी महिनालाई आयोडिन महिनाका रुपमा मनाउन विभिन्न कार्यक्रमको आयोजना गरेका छन् ।

नेपालगन्ज उपमहानगरपालिकाले स्वास्थ्य संस्थाहरुमा सन्देशमूलक ब्यानर राख्नुका साथै सेवाग्राहीहरुलाई नुनको महत्वबारे बुझाउने काम गरिरहेको स्वास्थ्य महाशाखा प्रमुख रामबहादुर चन्दले बताए । यस्तै साल्ट ट्रेडिङ कर्पोरेसन प्रदेश कार्यालय नेपालगन्जका प्रमुख मनोज चौधरीले स्वास्थ्य संस्था, स्कुल र हाट बजारहरुमा तुल ब्यानर लगाउने काम गरिरहेको जानकारी दिए । नेपालगन्ज उपमहानगरपालिकाले आज आयोडिन महिनामा गर्ने कार्य र नुनको बारेमा पत्रकारसँग अभिमुखीकरण गरेको हो ।

त्यसक्रममा सम्वद्ध सरोकारवालाहरुले पश्चिम नेपालका हिमाली र पहाडी जिल्लामा समेत आयोडिनयुक्त नुनको सेवन गर्नेहरु बढ्दै गएको बताए । आयोडिनयुक्त नुन खानेको संख्या ९० प्रतिशत पुगेको सरोकारवालाहरुको भनाई छ । प्रमुख चौधरीले पछिल्ला वर्षमा आयोडिनयुक्त नुन खानेको संख्या बढेको जानकारी दिए । चेतनामूलक कार्यक्रमहरुले गर्दा ९० प्रतिशत भन्दा बढीले आयोजित नुन सेवन गरिरहेको उनको भनाई छ । उनले साल्ट ट्रेडिङको नेपालगन्जस्थित कार्यालयबाट कर्णालीका जुम्ला, हुम्ला, कालिकोट, मुगु र डोल्पासँगै जाजरकोट, रोल्पा, रुकुम पश्चिम र पूर्व गरेर नौ जिल्लामा हरेक वर्ष ३२ देखि ४० हजार क्विन्टल नुन ढुवानी गर्दै आएको बताए ।

महाशाखाका प्रमुख चन्दले पनि केही वर्ष पहिलेसम्म धेरैले आयोडिनयुक्त नुन खान नमान्ने अवस्था रहेकोमा अहिले सो अवस्था फेरिएर अधिकांशले खान थालेको बताए । त्यसका लागि पहाडी र हिमाली जिल्लामा धरै मिहिनेत गर्नुपरेको प्रमुख चन्दले बताए । कार्यक्रममा नेपालगन्ज उपमहानगर स्वास्थ्य शाखाका पोषण फोकल पर्सन तेज ओलीले आयोडिनयुक्त नुन सेवनका फाइदाबारे विस्तृत रुपमा जानकारी गराएका थिए ।

प्रकाशित मिति: शुक्रबार, माघ २६, २०८० २०:०३

प्रतिक्रिया दिनुहोस्