मन्त्री ज्वालाद्वारा नेपालगञ्ज–गुलरिया हुलाकी सडक अनुगमन

राजनीति

गृहपृष्ठ
राजनीति
मन्त्री ज्वालाद्वारा नेपालगञ्ज–गुलरिया हुलाकी सडक अनुगमन

मन्त्री ज्वालाद्वारा नेपालगञ्ज–गुलरिया हुलाकी सडक अनुगमन

शुक्रबार, फागुन ४, २०८० बागेश्वरी पोस्ट

नेपालगञ्ज । भौतिक पूर्वाधार तथा यातायात मन्त्री प्रकाश ज्वालाले राष्ट्रिय गौरवको हुलाकी सडक आयोजना अन्तर्गत निर्माणाधीन नेपालगञ्ज–गुलरिया सडक खण्डको आज अनुगमन एवम् निरीक्षण गरेका छन् । बाँकेको खजुरा क्षेत्रमा स्थलगत अनुगमन गर्दै मन्त्री ज्वालाले समयमै काम सक्न निर्माण कम्पनीलाई निर्देशन दिए ।

उनले सडकको गुणस्तरियतामा कुनै सम्झौता नहुने बताए । कुनै बहानाबाजी गरेर विकास निर्माणको काममा ढिलासुस्ती गर्न नपाइने उनको भनाई छ । "बजेट व्यवस्थापन सरकारको जिम्मेवारी हो, समयमै गुणस्तरीय काम सम्पन्न गर्ने दायित्व निर्माण कम्पनीको हो," मन्त्री ज्वालाले भने-"समयमै काम नगर्ने निर्माण कम्पनीलाई कारवाही र राम्रो काम गर्नेलाई सम्मानको नीति पनि सरकारले लिएको छ ।" मन्त्री ज्वालाले यो आयोजनामा बजेट अभाव हुन नदिइने उल्लेख गरे ।

सडक अनुगमनपछि मन्त्री ज्वालाले समयमै काम सम्पन्न हुने विश्वास ब्यक्त गरे । उनले विकास निर्माणका काममा तीन तहको सरकारबीच समन्वय र सहकार्य आवश्यक रहेको बताए । मन्त्री ज्वालाले हुलाकी सडक तराई-मधेशको 'लाइफलाइन' भएको बताए ।

प्रकाशित मिति: शुक्रबार, फागुन ४, २०८० २१:१७