घोराहीमा मोटरसाइकल दुर्घटना हुँदा रोल्पाका दुई युवकको मृत्यु

समाचार

गृहपृष्ठ
समाचार
घोराहीमा मोटरसाइकल दुर्घटना हुँदा रोल्पाका दुई युवकको मृत्यु

घोराहीमा मोटरसाइकल दुर्घटना हुँदा रोल्पाका दुई युवकको मृत्यु

बुधबार, फागुन ९, २०८० बागेश्वरी पोस्ट

घोराही । दाङमा मोटरसाइकल दुर्घटनामा दुई युवकको मृत्यु भएको छ ।

जिल्लाको घोराही-तुलसीपुर सडक खण्डमा आज बिहान साइकल यात्रुलाई जोगाउन खोज्दा मोटरसाइकल दुर्घटना भएर रोल्पा त्रिबेणी गाउँपालिका-५ का २१ बर्षीय बिजय पुन र सोही ठाउँका २४ बर्षीय नेत्र भण्डारीको मृत्यु भएको दाङ प्रहरीले जनाएको छ ।

तुलसीपुरबाट घोराहीतर्फ जाँदै गरेको रा ५ प ५४५३ नम्बरको मोटरसाइकल घोराही उपमहागनरपालिका-१६ सर्रा चोकमा आज बिहान ६ बजेतिर दुर्घटनामा परेको थियो ।

राप्ती स्वास्थ्य बिज्ञान प्रतिष्ठानका चिकित्सकले बिहान पौने ७ बजेतिर दुबैजनालाई मृत घोषणा गरेका थिए । प्रहरीका अनुसार पुनले मोटरसाइकल चलाएका थिए भने भण्डारी पछाडि सवार थिए ।

प्रहरीका अनुसार दुर्घटनाग्रस्त मोटरसाइकल साइकलसंग अल्झेको अवस्थामा फेला परेको हुँदा साइकल चालकलाई जोगाउन खोज्दा दुर्घटना भएको प्रहरीले जानकारी दिएको छ ।

प्रकाशित मिति: बुधबार, फागुन ९, २०८० १०:२०

प्रतिक्रिया दिनुहोस्