नेपालगन्जको वडा नंं ४ मा दुई करोडको लागतमा स्कुल भवन बन्दै

समाचार

गृहपृष्ठ
समाचार
नेपालगन्जको वडा नंं ४ मा दुई करोडको लागतमा स्कुल भवन बन्दै

नेपालगन्जको वडा नंं ४ मा दुई करोडको लागतमा स्कुल भवन बन्दै

बुधबार, फागुन ७, २०७६ बागेश्वरी पोस्ट

नेपालगन्ज ।नेपालगन्जको वडा नम्बर ४ मा २ करोडको लागतमा स्कुल भवन निर्माण हुने भएको छ।

वडा नम्बर ४, सल्यानीबङ्गला स्थित आधारभूत माध्यामिक बिद्यालय परिसरमा नेपालगन्ज उपमहानगरपालिकाका मेयर डा.धवल शमसेर राणाले बुधबार गर्ल्स स्कुल भवनको शिलान्यास गरेका छन । शिलान्यास गर्दै मेयर राणाले ठेकेदार कम्पनीका प्रतिनिधिलाई समय सिमा भित्रै काम सक्न निर्देशन दिए ।

‘तपाईंहरुले दिनरात नभनी भवन निर्माणको काम गर्नुस, मापदण्ड अनुसार सम्झौता सकिने म्याद समय भित्र नै निर्माण कार्य सक्नुहोस । रकमको चिन्ता नगर्नुहोस ।’ – उनले भने । शिलान्यास कार्यक्रममा वडा अध्यक्ष बेहनाले भवन निर्माण कम्पनीका प्रमुखलाई यता सक्दो चाडो भवन निर्माण सम्पन्न गरिसक्न सुझाब दिएका थिए।

करीव २ करोड लगानीमा ३ तल्ला, १८ कोठे भवन निर्माण गर्न सनिदेव जयदुर्गे जेबी, महेन्द्रनगरसङ्ग २०७६ माघ २४ गते ठेक्का सम्झौता भएको नेपालगन्ज उपमहानगरपालिका वडा नम्बर ४ का अध्यक्ष सफिक बेहनाले जानकारी दिए ।

प्रदेश सरकार र उपमहानगरपालिकाको ५०र५० प्रतिशत लगानीमा बन्न लागेको सो भवन निर्माण कार्यको अन्तिम म्याद असार मसान्तसम्म रहेको अध्यक्ष्य वेहनाले जानकारी दिए ।

प्रकाशित मिति: बुधबार, फागुन ७, २०७६ १३:०२

प्रतिक्रिया दिनुहोस्