नेपालगञ्ज-१० द्वारा मानव सेवा आश्रमलाई ५१ हजारको खाद्यान्न सहयोग

समाचार

गृहपृष्ठ
समाचार
नेपालगञ्ज-१० द्वारा मानव सेवा आश्रमलाई ५१ हजारको खाद्यान्न सहयोग

नेपालगञ्ज-१० द्वारा मानव सेवा आश्रमलाई ५१ हजारको खाद्यान्न सहयोग

सोमबार, फागुन १४, २०८० बागेश्वरी पोस्ट

नेपालगञ्ज । नेपालगञ्ज उपमहानगरपालिका वडा नम्बर १० कार्यालयले मानव सेवा आश्रम नेपालगञ्ज शाखालाई ५१ हजार बराबरको खाद्यान्न सहयोग गरेको छ । घरवार र परिवारविहिनहरुको आश्रयस्थल मानव सेवा आश्रमलाई उक्त सहयोग प्रदान गरिएको हो । खाद्यान्न सहयोग वितरणमा नेपालगञ्ज उपमहानगरपालिका वडा नंम्बर १० का वडा सदस्यहरु लगायत वडाका अन्य कर्मचारीहरुको उपस्थिति रहेको थियो ।

२०७९ असारबाट नेपालगञ्ज-१० आदर्शनगरमा सञ्चालित आश्रममा हाल ५५ जना बसिरहेका छन् । घरवारविहिन र परिवारविहिन भई सडकपेटी र सार्वजनिक स्थलहरुमा कष्टपूर्ण जीवन विताउन विवश मानवहरुको उद्धार, औषधोपचार, पालनपोषण र पारिवारिक पुनर्मिलन सेवामा आश्रम समर्पित रहँदै आएको छ ।

२०८२ सालभित्र नेपाललाई सहयोगापेक्षी सडक मानवमुक्त राष्ट्र निर्माणको लक्ष्य लिएको मानव सेवा आश्रमले हालसम्म कुनै पनि दातृ संघसंस्थाको शर्त सहितको सहयोग स्विकार नगरेको दाबी गरेको छ । मानतवाप्रेमी उदार मनहरुको जन्म दिन, विवाह वर्षगाँठ, संस्थाको वार्षिकोत्सव, व्रतबन्ध, छोराछोरीको न्वारन, पास्नी, विभिन्न चाडपर्वमा साथै पितृहरूको सम्झना र स्वैच्छिकरुपमा गरिने मुठीदानबाट आश्रम सञ्चालित छ ।

प्रकाशित मिति: सोमबार, फागुन १४, २०८० २०:५७

प्रतिक्रिया दिनुहोस्