सामाजिक कार्य गर्दै संगीताले मनाइन् जन्मोत्सव

समाचार

गृहपृष्ठ
समाचार
सामाजिक कार्य गर्दै संगीताले मनाइन् जन्मोत्सव

सामाजिक कार्य गर्दै संगीताले मनाइन् जन्मोत्सव

आइतबार, फागुन २०, २०८० बागेश्वरी पोस्ट

नेपालगञ्ज । कोहलपुर नगरपालिकाका उपप्रमुख संगीता सुवेदीले सामाजिक कार्य गर्दै आफ्नो जन्मोत्सव मनाएकी छिन् । विगतका वर्षहरुमा जस्तै यो वर्ष पनि आफ्नो जन्मोत्सवमा उपप्रमुख सुवेदीले कोहलपुर नगरपालिका वडा नम्बर ५ मा रहेको नीलसागर बृद्धा आश्रममा वाटर डिस्पेन्सर मेसिन सहयोग गरिन् ।

‘आश्रममा रहेका वृद्धबृद्धाहरुलाई शुद्ध पिउने पानीको सहजता होस् भन्नका लागि वाटर डिस्पेन्सर मेसिन सहयोग गरेकी हुँ,' उनले भनिन्–‘आश्रममा आश्रितहरुले आवश्यकता अनुसार तातो र चिसो पानी पिउन सक्छन् ।’ नीलसागर बृद्धा आश्रममा ४० जना आश्रित रहेका छन् ।

यसैगरी उनले आइतवार नै कोहलपुर नगरपालिका वडा नम्बर १२ चप्परगौडीमा रहेको रामजानकी आश्रममा रहेका बटुकहरुलाई साँझको खाना समेत खुवाइन् । करिब ५० जनालाई उनले साँझको खाना खुवाएकी हुन् । उनले भनिन्–‘मैले विगत ८/९ वर्षदेखि आफ्नो जन्मोत्सवलाई सामाजिक तथा मानवीय सहयोगमा समाहित गर्दै आएकी छु । यो पटक पनि आश्रममा केही सामाजिक तथा मानवीय सहयोग गरेकी छु ।’

आफ्नो जन्मोत्सवमा यसरी दिनदुःखीहरुसँगै बसेर सुखदुःख बाँड्दा र सहयोग गर्दा आनन्द महसुस हुने उनको भनाइ छ । आफ्नो जन्मोत्सवलाई रमाइलो गरी होटल तथा रेष्टुराहरुमा फजुल खर्च गरेर मनाउने परिपाटी चलिरहेका बेला काँग्रेसकी युवा नेतृ समेत रहेकी उपप्रमुख सुवेदीले भने सामाजिक र मानवीय सहयोग गर्दै मनाउने गरेकी छिन् ।

प्रकाशित मिति: आइतबार, फागुन २०, २०८० २०:२१

प्रतिक्रिया दिनुहोस्