अन्ततः भत्कियो सत्ता गठबन्धन, एमालेबाट पदम गिरी सरकारमा जाँदै

राजनीति

गृहपृष्ठ
राजनीति
अन्ततः भत्कियो सत्ता गठबन्धन, एमालेबाट पदम गिरी सरकारमा जाँदै

अन्ततः भत्कियो सत्ता गठबन्धन, एमालेबाट पदम गिरी सरकारमा जाँदै

सोमबार, फागुन २१, २०८० बागेश्वरी पोस्ट

काठमाडौं । नेपाली कांग्रेससँगको सत्ता गठबन्धन अन्ततः भत्किएको छ । नेकपा माओवादी र नेकपा एमालेबीच सत्ता सहकार्य गर्ने सहमति जुटेसँगै नेपाली कांग्रेस नेतृत्वको सत्ता गठबन्धन भत्किएको हो ।

एमाले र माओवादीसहितको गएरातिसम्म चलेको बैठकले सत्ता समीकरण बदल्ने निर्णय गरेको हो । माओवादी उच्च स्रोतका अनुसार, गत वर्ष १० पुसमा बनेकै गठबन्धनलाई आधार मानेर नयाँ समीकरण बन्ने भएको हो ।

नयाँ गठबन्धनमा राष्ट्रिय स्वतन्त्र पार्टी (रास्वपा) , जनता समाजवादी पार्टी (जसपा) र राष्ट्रिय प्रजातन्त्र पार्टी (राप्रपा) लाई पनि समेट्ने सहमति भएको छ ।

बालकोटमा बसेको एमाले सचिवालय बैठकले पदम गिरीलाई सरकारमा पठाउने निर्णय समेत गरेको छ । विशेष श्रोतका अनुसार आजै प्रधानमन्त्री पुष्पकमल दाहाल प्रचण्डले मन्त्रिपरिषद् पुनर्गठन गर्दैछन् । ‘विवादित मन्त्रीहरुलाई बर्खास्त गरेर प्रधानमन्त्रीले आजै मन्त्रिपरिषद् पुनर्गठन हुँदैछ । जसपा, रास्वपा र राप्रपा सरकारमा जाने भए पनि को जाने भन्ने बारेमा अझै तय भएको छैन ।

प्रकाशित मिति: सोमबार, फागुन २१, २०८० १०:०९

प्रतिक्रिया दिनुहोस्