कोहलपुरका पानी उद्योगको गुणस्तर परीक्षण गरिँदै

समाचार

गृहपृष्ठ
समाचार
कोहलपुरका पानी उद्योगको गुणस्तर परीक्षण गरिँदै

कोहलपुरका पानी उद्योगको गुणस्तर परीक्षण गरिँदै

बिहीबार, चैत ८, २०८० बागेश्वरी पोस्ट

नेपालगञ्ज । कोहलपुर नगरपालिकाले कोहलपुर नगरपालिकाभित्र रहेका पानी उद्योगहरुको उत्पादित पानीको परीक्षण गर्न नमुना संकलन गरी खाद्य प्रविधि तथा गुण नियन्त्रण कार्यालयमा पठाएको छ ।

ती उद्योगहरुले उत्पादन गर्ने पानीको गुणस्तर नभएको भनी पटकपटक स्थानीयबासीले गुनासो गरेपछि नगरपालिकाले नमुना परीक्षणका लागि प्रविधि तथा गुण नियन्त्रण कार्यालयमा पठाएको कोहलपुर नगरपालिकाका अधिकृत अग्निप्रसाद आचार्यले बताए । लाइफ ओके पानी उद्योग, आरुस पानी उद्योग, झरना पानी उद्योग, श्री पानी उद्योग, वरपिपल पानी उद्योगको उत्पादित पानीको नमुना संकलन गरी प्रविधि तथा गुण नियन्त्रणमा पठाइएको छ ।

यसैगरी नगरपालिका भित्र पानी वितरण गर्दै आएको बैजनाथस्थित न्यू सिटीमा रहेको मध्यमश्चिम पानी उद्योगको नमुना समेत परीक्षणका लागि पठाइएको छ । पानी उद्योगको गुणस्तरको विषयमा उद्योगीहरुले पनि विभिन्न आरोप खेप्दै आएका छन् । नमुना परीक्षणको रिपोर्टपछि व्यवसायीले झेल्दै आएको समस्या पनि हल हुने अपेक्षा गरिको छ ।

प्रकाशित मिति: बिहीबार, चैत ८, २०८० १३:१९

प्रतिक्रिया दिनुहोस्