कांग्रेस सभापति देउवा भोलि बाँके आउँदै

राजनीति

गृहपृष्ठ
राजनीति
कांग्रेस सभापति देउवा भोलि बाँके आउँदै

कांग्रेस सभापति देउवा भोलि बाँके आउँदै

बिहीबार, चैत १५, २०८० बागेश्वरी पोस्ट

नेपालगञ्ज । नेपाली काँग्रेसका सभापति शेरबहादुर देउवा भोलि बाँके आउँदै छन् । दाङको लमही नगरपालिका वडा नम्बर ९ अमिलियामा स्वर्गीय खुमबहादुर खड्काको शालिक अनावरणका लागि सभापति देउवा बाँके आउन लागेका हुन् ।

विहान बुद्ध एअरको पहिलो उडानबाट उनी नेपालगञ्ज राझा विमानस्थल आइपुग्ने कार्यक्रम रहेको छ । राँझा विमानस्थलमा कार्यकर्ताहरुले सभापति देउवालाई स्वागत गर्ने कार्यक्रम रहेको नेपाली काँग्रेस बाँकेका कार्यबाहक सभापति गोपालप्रसाद अधिकारीले जानकारी दिए । पूर्व प्रधानमन्त्री समेत रहेका देउवा पछिल्लो सत्ता समीकरण फेरबदल भएपछि पहिलोपटक बाँके आउन लागेका हुन् । नेकपा माओवादी केन्द्रसँगको गठबन्धन भंग भएपछि पार्टी सभापति देउवा जिल्ला बाहिरका कार्यक्रमका सहभागी भएका छैनन् । सभापति देउवा स्वर्गीय खड्काको शालिक अनावरणपछि भोलि नै काठमाडौं फर्किने कार्यक्रम रहेको छ ।

पार्टी सभापति देउवाको कार्य व्यस्तताका आधारमा समय मिले काँग्रेस बाँकेले पार्टी कार्यालयमा कार्यकर्ता भेटघाट कार्यक्रमको आयोजना गर्ने योजना बनाएको कार्यबाहक सभापति अधिकारीले जानकारी दिए । ‘विहान ७ः२० बजे बुद्ध एअरको फ्लाइटमा पार्टी सभापति देउवा नेपालगञ्ज पुग्नुहुनेछ र त्यहाँबाट सडक मार्ग हुँदै दाङ जाने कार्यक्रम छ,' देउवाका स्वकीय सचिव भानु देउवालाई उद्धृत गर्दै नेपाल प्रेस युनियन बाँकेका अध्यक्ष प्रियास्मृति ढकालले भने–‘विमानस्थलमै कार्यकर्ताहरुसँग सामान्य भेटघाट हुन सक्छ । बाँकेमा अन्य कार्यक्रमबारे टुंगो लागेको छैन ।’

प्रकाशित मिति: बिहीबार, चैत १५, २०८० १८:३३

प्रतिक्रिया दिनुहोस्