आगामी महाधिवेशनलाई लक्षित गर्दै शेखर कोइरालाको जिल्ला भ्रमण सुरु,शनिबार बाँके आउँदै

राजनीति

गृहपृष्ठ
राजनीति
आगामी महाधिवेशनलाई लक्षित गर्दै शेखर कोइरालाको जिल्ला भ्रमण सुरु,शनिबार बाँके आउँदै

आगामी महाधिवेशनलाई लक्षित गर्दै शेखर कोइरालाको जिल्ला भ्रमण सुरु,शनिबार बाँके आउँदै

शुक्रबार, फागुन ९, २०७६ बागेश्वरी पोस्ट

फाइल फोटो

काठमाडौं । नेपाली कांग्रेसका नेता डा.शेखर कोइरालाले आगामी महाधिवेशनमा सभापति पदमा प्रतिस्पर्धा गर्न आफ्नो तर्फबाट तयारी सुरु गरेका छन् ।

उनले फागुन ११ देखि चार जिल्लाको भ्रमण पनि गर्दैछन् । समर्थक नेता एवं कार्यकर्ताहरुसहित डा. कोइराला बाँके, बर्दिया, दाङ र कपिलवस्तु भ्रमणमा आउन लागेका हुन् । कोइराला फागुन ११ गतेदेखि १३ गतेसम्म बाँके, बर्दिया, दाङ र कपिलवस्तु जिल्लाको भ्रमण गर्नेछन् ।

कार्यक्रम तालिकाअनुसार उनी फागुन १० गते बाँके आउने छन् । ११ गते बर्दियाको ठाकुरवावा नगरसमिति सम्मेलनमा उनी सहभागी हुनेछन् । १२ गते दाङको घोराहीमा जिपी फाउन्डेसनको कार्यक्रममा डा. शेखरले सम्बोधन गर्नेछन् ।

फागुन १३ गते कपिलवस्तुमा पनि कार्यक्रम तय भएको छ ।यसबीच डा. कोइरालाले सम्बोधन गर्ने कार्यक्रमहरुमा कांग्रेसका अन्य नेताहरुकोसमेत सहभागीता रहनेछ । डा. कोइरालाका साथमा सुजाता कोइराला, दीपक गिरी, चन्द्र भण्डारी, डा. गोविन्द पोख्रेल, सञ्जय गौतम, सुरेन्द्र आचार्य र देशकै वरिष्ठ पत्रकार शिव लम्सालसमेत रहनेछन् ।श्रोत:बिकासटाइम्स।

प्रकाशित मिति: शुक्रबार, फागुन ९, २०७६ १८:५८

प्रतिक्रिया दिनुहोस्