सुदूरपश्चिमकी राज्यमन्त्री गिरीलाई समानुपातिक सांसदबाट हटाउन रन्जिताको पत्राचार

राजनीति

गृहपृष्ठ
राजनीति
सुदूरपश्चिमकी राज्यमन्त्री गिरीलाई समानुपातिक सांसदबाट हटाउन रन्जिताको पत्राचार

सुदूरपश्चिमकी राज्यमन्त्री गिरीलाई समानुपातिक सांसदबाट हटाउन रन्जिताको पत्राचार

बुधबार, चैत २१, २०८० बागेश्वरी पोस्ट

काठमाडौं । नागरिक उन्मुक्ति पार्टी (नाउपा) को विवादले उग्ररुप लिएको छ । संस्थापक नेता रेशम चौधरी पक्षका सांसदलाई पार्टी अध्यक्ष रन्जिता श्रेष्ठले कारबाहीको निशाना बनाएकी छिन् ।

अध्यक्ष श्रेष्ठले चौधरी पक्षकी प्रदेश सांसद इन्दिरा गिरीलाई सांसद पदबाट हटाउने निर्णय गरेकी छिन् ।

सुदूरपश्चिम प्रदेशकी समानुपातिक सांसद गिरीलाई कारबाही गर्दै प्रदेश सभामा पदमुक्त गरिएको भन्दै पत्र पठाएकी हुन् । सांसद गिरी पार्टीको निर्णय विपरीत सरकारमा गएको भन्दै स्पष्टीकरण सोधिएकोमा गिरीले जवाफ नदिएकाले अध्यक्ष श्रेष्ठले पदबाट हटाउन भन्दै सभामा पत्र पठाएकी हुन् ।

आफू अध्यक्ष रहेकै अवस्थामा आफ्नो निर्देशन नमानेर संस्थापक रेशम चौधरी पक्ष सरकारमा गएपछि तत्काल फिर्ता हुन श्रेष्ठले दिएको निर्देशन नमानेपछि स्पष्टीकरण मागेकी हुन् ।

अहिले नाउपाका ७ मध्ये ५ सांसद सुदूरपश्चिम सरकारमा रहे पनि अध्यक्ष श्रेष्ठले कृषि मन्त्री रहेकी गिरीलाई सांसद पदबाट पदमुक्त गरेकी हुन् । सरकारमा रहेका अन्य मन्त्रीहरु सबै प्रत्येक्ष निर्वाचित हुँदा अध्यक्ष श्रेष्ठले उनीहरुलाई हटाउन नसक्ने हुँदा समानुपातिक सांसद गिरीलाई मात्र श्रेष्ठले पदमुक्त गरेकी हुन् ।

प्रकाशित मिति: बुधबार, चैत २१, २०८० १४:१३

प्रतिक्रिया दिनुहोस्