नेपालगन्ज आउँदै गरेको श्रीएअरको जहाजमा समस्या,यात्रुलाई आपतकालीन तरिकाले ओरालियो

समाचार

गृहपृष्ठ
समाचार
नेपालगन्ज आउँदै गरेको श्रीएअरको जहाजमा समस्या,यात्रुलाई आपतकालीन तरिकाले ओरालियो

नेपालगन्ज आउँदै गरेको श्रीएअरको जहाजमा समस्या,यात्रुलाई आपतकालीन तरिकाले ओरालियो

शनिबार, फागुन १०, २०७६ बागेश्वरी पोस्ट

फाइल फोटो

काठमाडौं । नेपालगन्ज जाने तयारीमा रहेको श्रीएअरको जहाजबाट हतार हतार यात्रुहरुलाई आपतकालीन तरिकाले ओरालिएको छ।

काठमाडौंबाट नेपालगञ्ज जाने तयारीमा रहेको श्री एयरलाइन्सको हवाई जहाजमा ‘गम्भीर समस्या’ आएको भन्दै अन्तिम समयमा उड्नबाट रोकिएको छ । शनिबार बिहान साढे आठ बजे सो हवाई जहाज नेपालगञ्ज उड्ने तयारीमा थियो ।

तर, एयर होस्टेसहरुले हवाई जहाजमा बसिसकेका यात्रुहरुलाई हतार-हतार ओरालेका छन् ।इन्जिन स्टार्ट गरेर पाइलटले विमानस्थल टावरबाट उड्ने अनुमतिसमेत लिइसकेका थिए । तर, एक्कासी एयर होस्टेजहरुले सिरियस प्रोबलम आयो छिटोछिटो ओर्लिनुस् भनेर हामीलाई ओराले,’ एक जना यात्रुले भने ।

कस्तो खालको प्राविधिक समस्या हो भन्नेबारेमा जानकारी भने दिइएको छैन । श्री एयरलाइन्सका महाप्रवन्धक अनिल मानन्धरले प्राविधिक समस्या आएर उडान रोकिएको र मर्मतको काम भइरहेको जानकारी दिए।

उनले पनि केमा समस्या आएको हो भनेर खुलाउन चाहेनन् । मानन्धरले भने, ‘सुरक्षालाई त ध्यान दिनुपर्‍यो नि । त्यही भएर केहीबेर डिले भएको छ ।’ अनलाइनखबरबाट साभार।

प्रकाशित मिति: शनिबार, फागुन १०, २०७६ १०:२०

प्रतिक्रिया दिनुहोस्