ट्याक्टर दुर्घटनामा दुई जनाको मृत्यु

समाचार

गृहपृष्ठ
समाचार
ट्याक्टर दुर्घटनामा दुई जनाको मृत्यु

ट्याक्टर दुर्घटनामा दुई जनाको मृत्यु

शुक्रबार, चैत २३, २०८० बागेश्वरी पोस्ट

बैतडी । ट्याक्टर दुर्घटना हुँदा दुई जनाको मृत्यु भएको छ । बैतडीको झौलेखमा ट्याक्टर दुर्घटना हुँदा चालक र अर्का एक जनाको घटनास्थलमै मृत्यु भएको बैतडी प्रहरीले जानकारी दिएको छ ।

आज बिहान सुर्नयाबाट खोड्पे जाँदै गरेको से २ त नम्बरको ट्याक्टर जयपृथ्वी राजमार्ग अन्तर्गत पाटन नगरपालिका-८ झौलेखमा सडकदेखि २ सय मिटर तल खसेर दुर्घटना भएको प्रहरीले जनाएको छ ।

प्रहरीका अनुसार दुर्घटनामा पहिचान नखुलेका चालक र ट्याक्टरमा सवार राजेश चौधरीको घटनास्थलमै मृत्यु भएको हो ।

प्रहरीले घटनाबारे थप अनुसन्धान गरिरहेको जनाएको छ भने चालकका बारेमा सोधपुछ भइरहेको जानकारी दिएको छ ।

प्रकाशित मिति: शुक्रबार, चैत २३, २०८० ०९:५४

प्रतिक्रिया दिनुहोस्