संसदीय छानबिन समिति गठन कांग्रेसको बटमलाइन

राजनीति

गृहपृष्ठ
राजनीति
संसदीय छानबिन समिति गठन कांग्रेसको बटमलाइन

संसदीय छानबिन समिति गठन कांग्रेसको बटमलाइन

सोमबार, चैत २६, २०८० बागेश्वरी पोस्ट

काठमाडौं । नेपाली कांग्रेसले सहकारी ठगी प्रकरणमा मुछिएका गृहमन्त्री रवि लामिछानेमाथिको छानबिनका लागि संसदीय छानबिन समिति गठनको अडान कायमै राख्ने जनाएको छ ।

आज बिहान पार्टी सभापति शेरबहादुर देउवा निवासमा बसेको पार्टी पदाधिकारी तथा पूूर्व पदाधिकारीको बैठकले छानबिन समिति गठनलाई बटमलाइन बनाएको महामन्त्री गगन थापाले बताए ।

कांग्रेसले मंगलबारसम्म संसदीय छानबिन समिति गठन गर्न अल्टिमेटम दिइसकेको हुँदा अब पछाडि नहट्ने महामन्त्री थापाले बताए ।

त्यस्तै भोलि बिहान कांग्रेसको संसदीय कार्यसमिति र संसदीय दलको बैठक बसेर अरु पनि निर्णय गर्ने कांग्रेसका प्रमुख सचेतक रमेश लेखकले जानकारी दिए । "यसअघि कांग्रेसले सहकारी ठगी प्रकरणमा मुछिएकाबारे प्रधानमन्त्रीज्युले कुरा राखिसकेकाले अब गृहमन्त्रीको कुरा सुन्नुको कुनै अर्थ छैन," लेखकले भने ।

सरकार एउटै रहेकाले सबै मन्त्रीको प्रमुख प्रधानमन्त्रीले कुरा राखिसकेकाले गृहमन्त्रीले संसदमा कुरा राख्ने कुरा हाँस्यास्पद रहेको उनले बताए । साथै लेखकले कांग्रेसले प्रधानमन्त्रीको कुरा चित्त नबुझेर संसदीय छानबिन समिति गठन गर्नुपर्ने माग राखेको बताए । कांग्रेस अब निकै कडाईका साथ प्रस्तुत हुने प्रमुख सचेतक लेखकले बताए ।

प्रकाशित मिति: सोमबार, चैत २६, २०८० ११:५०

प्रतिक्रिया दिनुहोस्