लागुऔषधसहित चार जना पक्राउ

समाचार

गृहपृष्ठ
समाचार
लागुऔषधसहित चार जना पक्राउ

लागुऔषधसहित चार जना पक्राउ

आइतबार, फागुन ११, २०७६ बागेश्वरी पोस्ट

फाइल तस्बिर

सप्तरी । प्रहरीले लागुऔषधसहित चार जनालाई पक्राउ गरेको छ। सप्तरीको सुरुङ्गा नगरपालिका १ नैनडाँवरडाँडा र बोदे बर्साइन नगरपालिका ९ स्वर्णपट्टीबाट चार जना पक्राउ परेको सप्तरी प्रहरीले जनाएको छ।

पक्राउ पर्नेमा उदयपुर त्रियुगा नगरपालिका–६ का २२ वर्षीय आकाश परियार र २० वर्षीय आमोदकुमार महतो तथा शम्भुनाथ नगरपालिका ३ का २२ वर्षीय ललित चौधरी र २० वर्षीय देवनारायण राम रहेको जिल्ला प्रहरी कार्यालय सप्तरीका प्रहरी नायब उपरीक्षक तिलक भारतीले बताए।

उनीहरूको साथबाट ३० थान नाइट्रोजन ट्याब्लेट, १९ थान प्रोमेथाजाइन हाइड्रोक्लोराइड इन्जेक्शन, १८ थान डाइजेपाम इन्जेक्शन, १० थान नुरफिन इन्जेक्शन, नौ थान सिरिन्ज, चार थान नाइट्राभेट ट्याब्लेट, सात सात थान फेनारगन, नोफिन र डाइजेलेब तथा २० ग्राम गाँजा फेला परेको छ।पक्राउ परेका चारै जना सग अनुसन्धान भइरहेको प्रहरीले जानकारी दिएको छ। उनीहरुलाई शनिबार पक्राउ गरिएको हो।

प्रकाशित मिति: आइतबार, फागुन ११, २०७६ ०९:१३