नेपालगञ्ज उपमहानगरपालिकाद्वारा निःशुल्क लोक सेवा तयारी कक्षा सञ्चालन

समाचार

गृहपृष्ठ
समाचार
नेपालगञ्ज उपमहानगरपालिकाद्वारा निःशुल्क लोक सेवा तयारी कक्षा सञ्चालन

नेपालगञ्ज उपमहानगरपालिकाद्वारा निःशुल्क लोक सेवा तयारी कक्षा सञ्चालन

मंगलबार, वैशाख ११, २०८१ बागेश्वरी पोस्ट

नेपालगञ्ज । नेपालगञ्ज उपमहानगरपालिकाले निःशुल्क लोक सेवा पूर्व तयारी कक्षा सञ्चालन गरेको छ । आजदेखि सुरु भएको कक्षा ७५ दिनसम्म सञ्चालन हुने नेपालगञ्ज उपमहानगरपालिकाले जनाएको छ ।

सामाजिक विकास शाखा प्रमुख कृष्ण प्रसाद जोशीका अनुसार विगत ६ बर्षदेखि निरन्तर सञ्चालन गरिँदै आइएको निःशुल्क लोक सेवा पूर्व तयारी कक्षामा यसपटक २०० जना सहभागी भएका छन् । द सक्सेस इन्स्टिच्युटसंगको सहकार्यमा सञ्चालित कक्षामा लोक सेवा आयोगसम्बन्धि अप्रविधिकतर्फ नायब सुब्बा, खरिदार तथा प्राविधिकतर्फ हेल्थ असिस्टेन्ट, स्टाफ नर्स, अहेब र अनमी पदको लिखित परीक्षाको तयारी गराइनेछ ।

May be an image of 9 people, hospital and text

पूर्व तयारी कक्षाको नगर उपप्रमुख कमरुद्दिन राईले उद्घाटन गरे । उद्घाटन कार्यक्रममा बोल्दै उपप्रमुख राईले हिम्मत नहारेर दृढ संकल्पका साथ अघि बढ्न यो कक्षाले उत्प्रेरणा प्रदान गर्ने विश्वास ब्यक्त गर्दै आत्मविश्वासका साथ लोक सेवाको तयारी जुट्न आग्रह गरे । सामाजिक विकास शाखा प्रमुख जोशीले ज्ञानमा आधारित प्रविधिलाई आत्मसाथ गर्दै धैर्यता र लगनशीलताका साथ तयारी गर्न आग्रह गरे ।

प्रशिक्षक एवम् जिल्ला हुलाक कार्यालय बाँकेका प्रमुख गोविन्द प्रसाद पाण्डेले मेहनत, उत्प्रेरणा र अठोटले लोक सेवाको तयारीलाई मूर्तरुप दिने भन्दै उच्च मनोबलका साथ तयारी गर्न आग्रह गरे । द सक्सेस इन्स्टिच्युटका सञ्चालक सुमित केसीले लोक सेवाको तयारीमा रहेका विद्यार्थीहरुलाई सहयोग गर्न कक्षा सञ्चालन गरिएको बताउँदै जिज्ञासु भएर अघि बढ्न आग्रह गरे ।

उद्घाटन कार्यक्रममा नेपालगञ्ज उपमहानगरपालिकाका प्रेस सल्लाहकार नवीन गिरी र द सक्सेस इन्स्टिच्युटका सञ्चालक राजन शाहीको पनि उपस्थिति थियो । कार्यक्रमको सञ्चालन पत्रकार कमल खत्रीले गरेका थिए ।

May be an image of ‎5 people, dais and ‎text that says '‎लोकसेवा आयोग सम्चन्ध अणविधिक तर्फ नायव सुच्या, खरिंदवार तथा प्राविधिक हैल्थ असिस्टेन्ट, स्टाफ अहेब अनमी प्दको लोकसेवा आयोग लिईने लिखित परिक्षाको पूर्व तयारी कक्षा सज्चालन ス पेशाध| मिति: मंगडबार 西。 বলংবগরর महगट 知味 नेपासपन्न सहकार्य आयोजक इसपसेक बपाहगच्य नेवासगनन HиKиT PAE जत-माजगवपाचि्य् आयोगक मरपाएरकर חדרך おヒスママ創産 23/04/2024 10:07‎'‎‎