लुम्बिनीका विनाविभागीय मन्त्रीहरुले पाए जिम्मेवारी, रत्न खत्रीलाई सामाजिक विकास

राजनीति

गृहपृष्ठ
राजनीति
लुम्बिनीका विनाविभागीय मन्त्रीहरुले पाए जिम्मेवारी, रत्न खत्रीलाई सामाजिक विकास

लुम्बिनीका विनाविभागीय मन्त्रीहरुले पाए जिम्मेवारी, रत्न खत्रीलाई सामाजिक विकास

बुधबार, वैशाख १२, २०८१ बागेश्वरी पोस्ट

दाङ । लुम्बिनी प्रदेशका ७ जना विना विभागीय मन्त्रीहरुले मन्त्रालयसहित्को जिम्मेवारी पाएका छन् । आज लुम्बिनी सरकारका मुख्यमन्त्री जोखबहादुर महराले ७ विना विभागीय मन्त्रीलाई जिम्मेवारी दिएका हुन् ।

मुख्यमन्त्री महराले नेकपा एमालेका बाँकेका रत्नबहादुर खत्रीलाई सामाजिक विकास मन्त्रालयको जिम्मेवारी दिएका छन् । आन्तरिक मामिला, कानुन तथा सन्चार मन्त्रालयको जिम्मेवारी एमालेका दिनेश पन्थीले पाएका छन् । त्यसैगरि मुख्यमन्त्री महाराले शहरी विकास तथा खानेपानी मन्त्रालयको जिम्मेवारी एमालेकै भुमिश्वर ढकाललाई दिएका हुन् ।

वन तथा वातावरण मन्त्रालयको जिम्मेवारी अर्जुन केसीले पाएका छन् । यस्तै भौतिक पूर्वाधार विकास तथा यातायात मन्त्रालयको जिम्मेवारी नागरिक उन्मुक्ति पार्टीका धर्मबहादुर चौधरीले पाएका छन् । स्वतन्त्र सांसद खड्ग बस्नेतले पर्यटन उद्योग तथा सहकारी मन्त्रालयको जिम्मेवारी पाएका छन् ।

नेकपा एकीकृत समाजवादीकी भगवती अधिकारीले महिला, बालबालिका तथा जेष्ठ नागरिक मन्त्रालयको जिम्मेवारी पाएकी हुन् ।

यसअघि नै एमालेबाट चेतनारायण आचार्यले अर्थ र माओवादी केन्द्रका दीपेन्द्र पुनले स्वास्थ्य मन्त्रालयको जिम्मेवारी सम्हालिसकेका छन् ।

प्रकाशित मिति: बुधबार, वैशाख १२, २०८१ १७:५५

प्रतिक्रिया दिनुहोस्