सशस्त्र प्रहरीद्वारा राप्ती नदीमा कृत्रिम घटना अभ्यास (फोटोफिचर)

समाचार

गृहपृष्ठ
समाचार
सशस्त्र प्रहरीद्वारा राप्ती नदीमा कृत्रिम घटना अभ्यास (फोटोफिचर)

सशस्त्र प्रहरीद्वारा राप्ती नदीमा कृत्रिम घटना अभ्यास (फोटोफिचर)

मंगलबार, वैशाख १८, २०८१ बागेश्वरी पोस्ट

नेपालगञ्ज । सशस्त्र प्रहरी बल नेपालले जल उत्पन्न प्रकोप उद्दार सम्बन्धि कृत्रिम घटना अभ्यास बाँकेको राप्तीसोनारी गाउँपालिका-२ अगैयास्थित राप्ती नदीमा सम्पन्न गरेको छ । आउँदै गरेको बर्षा याममा हुन सक्ने जल उत्पन्न प्रकोप ब्यबस्थापन कार्यलाई प्रभावकारी बनाउने उद्देश्यले कृत्रिम घटना अभ्यास गरिएको हो ।

सशस्त्र प्रहरी बल नेपाल नम्बर ५ विन्धवासिनी बाहिनी मुख्यालयको आयोजनामा सम्पन्न बाहिनी स्तरीय कृत्रिम घटना अभ्यासमा सशस्त्र प्रहरी बल नेपाल नम्बर ४२ रिजर्भ गण शमशेरगञ्ज बाँकेमा रहेको प्रदेश स्तरीय बिपद ब्यबस्थापन टिम र सशस्त्र प्रहरी बल नेपाल नम्बर २९ गण भालुबाङ्ग दाङ्गका बिपद ब्यबस्थापन तालिम प्राप्त सशस्त्र प्रहरीहरुको संयुक्त टोलीले जल उत्पन्न प्रकोप उद्दार तथा ब्यबस्थापन सम्बद्ध विभिन्न अभ्यासहरु प्रदर्शन गरेका थिए ।

बाढी प्रभाबित नागरिकहरुको उद्दार सम्बन्धि उक्त अभ्यासमा मेडिकल फर्स्ट रेस्पोन्डिङ्ग, बाढीमा फसेकाहरुको स्थानीय स्रोत साधनहरुको प्रयोगबाट उद्दार, डुङ्गाबाट उद्दार, रोप रेस्क्यू, पानी मुनी र पानी माथिबाट नदी पार, विभिन्न साधनहरुबाट चीन-अप क्यारी, हाई एङ्गल क्यारी आदि बिधिहरुबाट उद्दार कला प्रस्तुत गरिएको थियो ।

लुम्बिनी प्रदेश सरकारका आन्तरिक मामिला, कानुन तथा सञ्चार मन्त्री दिनेश पन्थीको प्रमुख आतिथ्यतामा सम्पन्न भएको अभ्यासमा कोहलपुर नगरपालिकाका प्रमुख पुर्ण आचार्य, राप्तीसोनारी गाउँपालिकाका अध्यक्ष तप्त बहादुर पौडेल, बाँके जिल्लाका प्रमुख जिल्ला अधिकारी श्रवण कुमार पोखरेल, सशस्त्र प्रहरी बल नेपाल नम्बर ५ बिन्धवासिनी बाहिनीका बाहिनीपति सशस्त्र प्रहरी नायब महानिरीक्षक अभि कुमार खत्री लगायत स्थानीय सरकारका जनप्रतिनिधिहरु तथा स्थानीय नागरिकहरुको उपस्थिति रहेको थियो ।

लुम्बिनी प्रदेश नारायणी नदी, तिनाउ नदी, राप्ती नदी, बबई नदी, कर्णाली नदी जस्ता मुख्य नदीहरु तथा अन्य स्थानीय नदीनालाहरुमा आउने बाढीका कारण प्रभाबित रहँदै आएको छ । यस प्रदेशमा हरेक बर्षा याममा जल उत्पन्न प्रकोपका कारण बर्सेनी हजारौं नागरिकहरु प्रभावित हुनुका साथै जनधनको समेत क्षती हुने गरेको छ । यस्ता बिपद प्रकोपहरुबाट हुन सक्ने क्षती न्यूनीकरण र तत्काल उद्दारका लागि सशस्त्र प्रहरी बल नेपालले जनचेतनामूलक कार्यहरुका साथै आन्तरिकरुपमा तालिम, अनुशिक्षण एवम पूर्ब अभ्यासहरु सञ्चालन गर्दै आएको छ । सशस्त्र प्रहरी बल नेपालसंग हाल लुम्बिनी प्रदेशमा १० जना गोताखोर तालिम प्राप्त जनशक्ति रहेका छन् ।

(फोटोफिचर)

May be an image of 2 people, kayak and text May be an image of 4 people May be an image of 4 people, boat, jet ski and lake May be an image of 3 people, people swimming and body of water May be an image of 4 people, kayak, jet ski and lake May be an image of 6 people and kayak