रुक्मिणी शाहको १६औं बार्षिक पूण्यतिथीमा दुई जनालाई नगद सहयोग

समाचार

गृहपृष्ठ
समाचार
रुक्मिणी शाहको १६औं बार्षिक पूण्यतिथीमा दुई जनालाई नगद सहयोग

रुक्मिणी शाहको १६औं बार्षिक पूण्यतिथीमा दुई जनालाई नगद सहयोग

बिहीबार, वैशाख २७, २०८१ बागेश्वरी पोस्ट

नेपालगञ्ज । बासकी पूर्व केन्द्रीय सदस्य स्व. रुक्मिणी शाहको १६औं बार्षिक पूण्यतिथीमा दुई जनालाई नगद सहयोग गरेको छ । बासद्वारा नेपालगञ्जमा आज सम्पन्न बार्षिक पूण्यतिथी कार्यक्रममा नेपालगञ्ज उपमहानगरपालिका वडा नम्बर १ की १२ बर्षीया बालिका तेजिका महतरा र नेपालगञ्ज २२ का निखिल कुमार यादबलाई जनही रु. ५ हजार हस्तान्तरण गरिएको छ । तेजिकाको काठमाण्डौस्थित कान्तिवाल अस्पतालमा उपचार भइरहेको छ । परिवारको आर्थिक अवस्था निकै कमजोर भएकाले उपचारमा समस्या भइरहेको छ । यसैगरी वडा नम्बर २२ का निखिल मंगल प्रसाद माविमा कक्षा १० मा अध्ययनरत छन् । बुवाले मजदुरी गर्ने उनको परिवारको आर्थिक अवस्था कमजोर भएकाले अध्ययनका लागि सहयोग गरिएको हो ।

कार्यक्रममा उपचाररत तेजिकाका मामा मिन अर्याल र निखिल यादवलाई बासका केन्द्रीय उपाध्यक्ष शिव कुमार बर्मा, दिदी बहिनी समाजका अध्यक्ष रमा देवी शाह, बासका केन्द्रीय निवर्तमान अध्यक्ष रमेश सिटौला, केन्द्रीय सचिब दिला शाहले संयुक्तरुपमा चेक हस्तान्तरण गरेका थिए । शाहको सम्झनामा बासले स्थापना गरेको रुक्मिणी स्मृति अक्षय कोषबाट उक्त सहयोग प्रदान गरिएको हो । बास नेपालका निर्देशक हेमराज भट्टले सञ्चालन गरेको कार्यक्रममा शाहको सम्झनामा एक मिनेट मौनधारण गर्नुका साथै शाहको तस्विरमा अविर र पुष्प अर्पण गरिएको थियो । कार्यक्रममा बास नेपालका निवर्तमान अध्यक्ष सिटौलाले पूर्ब केन्द्रीय सदस्य शाहको व्यक्तित्वका बारेमा जानकारी गराएका थिए ।

कार्यक्रममा दिदी बहिनी समाजका अध्यक्ष तथा स्व. रुक्मिणीका मुवा रमा देबी, बासका केन्द्रीय सचिब दिलाले बोलेका थिए । शोकलाई शक्तिमा बदल्दै सामाजिक तथा मानवीय कार्य गर्नुपर्ने उनीहरुले बताएका थिए । कार्यक्रम समापन गर्दै बास नेपालका केन्द्रीय उपाध्यक्ष बर्माले आगामी बर्षहरुमा रुक्मिणी अक्षय कोषमा रकम थप कार्य गर्दै जाने बताए । कार्यक्रममा बास नेपालका पदाधिकारी, सदस्य, स्वयंसेवक, कर्मचारीहरुको उपस्थिति रहेको थियो ।

प्रकाशित मिति: बिहीबार, वैशाख २७, २०८१ २१:०९

प्रतिक्रिया दिनुहोस्