तुलसीपुर उद्योग वाणिज्य संघको अध्यक्षमा कांग्रेसका बिनिल केसी निर्वाचित

राजनीति

गृहपृष्ठ
राजनीति
तुलसीपुर उद्योग वाणिज्य संघको अध्यक्षमा कांग्रेसका बिनिल केसी निर्वाचित

तुलसीपुर उद्योग वाणिज्य संघको अध्यक्षमा कांग्रेसका बिनिल केसी निर्वाचित

सोमबार, वैशाख ३१, २०८१ बागेश्वरी पोस्ट

तुलसीपुर । नेपाली कांग्रेसका बिनिल केसी तुलसीपुर उद्योग बाणिज्य संघको अध्यक्षमा निर्वाचित भएका छन् ।

नेपाली काँग्रेसका उम्मेदवार केसीले कुल खसेको मत २९३८ मध्ये १५५० मत प्राप्त गरेका छन् । बिनिलले गठबन्धनका उम्मेदवार ललितजंग शाहलाई पराजित गरेका हुन् । शाहले १३४० मत प्राप्त गरे । केसीले शाहलाई २१० मतान्तरले पराजित गरेका हुन् ।

टिकट नपाएपछि रुष्ट बनेका शाह काँग्रेसको निर्णय बिपरीत नेकपा एमाले, माओबादी केन्द्रसहित अन्य दलहरुसंग चुनाबी तालमेल गरी निर्वाचनमा होमिएका थिए । पराजित शाह संघका यसअघिका उपाध्यक्ष थिए भने निर्वाचित केसी महासचिव ।

नयाँ नेतृत्व चुन्न शनिबार बिहान ८ बजेदेखि साढे ५ बजेसम्म मतदान भएको थियो । शनिबार रातिबाट सुरु भएको मतगणनाको अन्तिम परिणाम सोमबार बिहान मात्रै सार्वजनिक भएको हो । तुलसीपुर उद्योग बाणिज्य संघमा कुल ३४७१ मतदाता थिए ।

प्रकाशित मिति: सोमबार, वैशाख ३१, २०८१ ०९:१२

प्रतिक्रिया दिनुहोस्