'आपतकालीन कार्यसंचालन केन्द्रको संस्थागतीकरण' कार्यशाला नेपालगन्जमा सम्पन्न

समाचार

गृहपृष्ठ
समाचार
'आपतकालीन कार्यसंचालन केन्द्रको संस्थागतीकरण' कार्यशाला नेपालगन्जमा सम्पन्न

'आपतकालीन कार्यसंचालन केन्द्रको संस्थागतीकरण' कार्यशाला नेपालगन्जमा सम्पन्न

शुक्रबार, जेठ ४, २०८१ बागेश्वरी पोस्ट

नेपालगन्ज । नेपालगन्जमा अन्तर प्रदेश स्तरीय ‘विपद् पूर्व तयारी र प्रतिकार्यका लागि आपतकालीन कार्यसञ्चालन केन्द्रको संस्थागतीकरण’ विषयक दुई दिने कार्यशाला सम्पन्न भएको छ ।

सहरी विपद् तथा भूकम्पीय पूर्व तयारी परियोजना (सुपर) को सहयोगमा लुम्विनी प्रदेश आन्तरिक मामिला तथा कानुन मन्त्रालयद्वारा नेपालगन्जमा आयोजित ‘विपद् पूर्व तयारी र प्रतिकार्यका लागि आपतकालीन कार्यसञ्चालन केन्द्रको संस्थागतीकरण’ कार्याशालाका सहभागीहरुले विपद् क्षेत्र बढी संबेदनशील भएकाले यसको जोखिम न्यूनीकरण गर्न स्थानीय समुदायस्तरसम्म सचेतना र पूर्व तयारी संयन्त्रको व्यवस्था गर्नुपर्नेमा जोड दिएका छन् ।

सहभागी सरोकारवालाले प्रदेश र स्थानीय तहमा विपद् व्यवस्थापनका लागि छुट्टै ऐन, कार्यविधि निर्माण गरी कार्यान्वयन गर्नुपर्नेमा जोड दिँदै विपदबाट जोगिन चौबिसै घण्टा पूर्व तयारीमा विशेष ध्यान दिनुपर्ने बताएका थिए । पश्चिम नेपालको जाजरकोटलाई केन्द्रविन्दु बनाएर जाजरकोट र रुकुमपश्चिममा गत कार्तिकमा गएको भूकम्पपछि पश्चिम क्षेत्र उच्च जोखिमयुक्त रहेको देखिएकाले विपद् न्यूनीकरण र पूर्व तयारीका लागि स्थानीय सरकार बढी सतर्क हुनुपर्ने लुम्विनी प्रदेश आन्तरिक मामिला तथा कानून मन्त्रालयका विपद् शाखा प्रमुख मञ्जुकुमारी पोख्रेलले बताइन् । उनका अनुसार प्रदेश सरकारले विपद् व्यवस्थापन सम्वन्धि बनेका ऐन तथा निर्देशिकालाई संशोधन गर्ने कार्य गरिरहेको छ भने विपद् उद्धार खोज, राहत वितरण सम्वन्धि कार्यविधि र निर्देशिका निर्माण गरिरहेको छ । उनले विपद सम्वन्धि ऐन, कानुन, कार्यविधिले विपद् व्यवस्थापन तथा न्यूनीकरणमा उल्लेख्य सहयोग पुर्याउने विश्वास व्यक्त गरिन् ।

लुम्विनी, कर्णाली र सुदुरपश्चिम प्रदेश अन्र्तगत जिल्ला प्रशासन कार्यालयका विपद् फोकल पर्सन, विभिन्न सरोकारवाला निकायका प्रतिनिधि, सहरी विपद् तथा भूकम्पीय पूर्व तयारी परियोजना (सुपर) अन्तर्गतका कर्मचारी, विज्ञ लगायतको सहभागिता रहेको थियो । गोष्ठीको लुम्बिनी प्रदेशका आन्तरिक मामिला तथा कानुन मन्त्री दिनेश पन्थीले गरेका थिए ।

युरोपियन युनियनको आर्थिक सहयोग तथा युएनडिपी, युनिसेफ र युएन ओमनको साझेदारी तथा नेपाल रेडक्रस सोसाइटी बाँके शाखाको प्राविधिक सहयोगमा सञ्चालित सहरी विपद् तथा भूकम्पीय पूर्व तयारी परियोजना (सुपर) ले भूकम्पीय जोखिम न्यूनीकरणका लागि लुम्विनी, कर्णाली र सुदुरपश्चिम प्रदेशका जिल्लामा सचेतना प्रवर्द्धन गरिरहेको छ ।

प्रकाशित मिति: शुक्रबार, जेठ ४, २०८१ १९:५४

प्रतिक्रिया दिनुहोस्