कान्तिपुरका अध्यक्ष कैलाश सिरोहिया पक्राउ

समाचार

गृहपृष्ठ
समाचार
कान्तिपुरका अध्यक्ष कैलाश सिरोहिया पक्राउ

कान्तिपुरका अध्यक्ष कैलाश सिरोहिया पक्राउ

मंगलबार, जेठ ८, २०८१ बागेश्वरी पोस्ट

काठमाडौं । कान्तिपुरका अध्यक्ष कैलाश सिरोहियालाई प्रहरीले पक्राउ गरेको छ । अपराध अनुसन्धान कार्यालयका प्रमुख एसएसपी सानुराम भट्टराई नेतृत्वको टोलीले सिरोहियालाई आज साँझ थापाथलीस्थित कान्तिपुर दैनिकको कार्यालयबाट पक्राउ गरेको हो । आज धनुषा जिल्ला अदालतले कान्तिपुर पब्लिकेसन्सका अध्यक्ष सिरोहियाविरुद्ध पक्राउ पुर्जी जारी गरेको थियो ।

नागरिकतासम्बन्धि कसुरमा अनुसन्धानका लागि सिरोहियालाई पक्राउ गर्न जिल्ला अदालत धनुषाले आज अनुमति दिएको थियो । सिरोहियाविरुद्ध सर्लाहीका इन्द्रजित महतोले जिल्ला प्रहरी कार्यालय, धनुषामा १६ वैशाख २०८१ मा किटानी जाहेरी दिएका थिए । जाहेरीमा सिरोहियाले फरक–फरक नम्बरका नागरिकताहरु प्रयोग गरिरहेको भन्दै नागरिकता ऐन, २०६३ अनुसारको कसूरमा छानबिन गर्न माग गरिएको थियो ।

प्रकाशित मिति: मंगलबार, जेठ ८, २०८१ १८:५०

प्रतिक्रिया दिनुहोस्